Shillong, Nailur 03: Ka seng FKJGP Nongdisong-Mawiawa unit ka sngewkhia halor ka jingjynjar haka leit ka wan haba ki wan le leit sha Nongstoin khamtam ia kiba pang ba shitom kiba dei iaid lyngba kateo ka surok.
Ka seng haba kala iohi ba mynta la shi snem tam ba iaka surok na Nongstoin – Sonapahar sha Mawliehbah kaba jngai 2km la pyntrei daka scheme PMGSY kaba la mang pisa 96.290 lak kum ka seng iohi ba haduh mynta kala suki palat ka jingpyntrei ia katei ka surok.
Ka jingpynsuki ia kane ka surok ka wan rah iaka jingeh iaki kali kiba iaid lyngba kane ka surok khamtam lada pang lada shitom, ka seng halor ka jingud ka jingnam ki paitbah nongshong shnong ka thain ka seng mynta ka sngi kala leit ban jurip ia katei ka surok.
Hadien bala jurip kala leit buh daka jingthoh sha u executive engineer ka PWD ba dei peit ia ki surok PMGSY Nongstoin ba un tuklar ban phah ban pyn trei noh namar ka por kala biang khamtam ban phah pyndap iaka jaka ba long thiew khnang ba ki paitbah ka thain kin suk haka leit ka wan.
Ka seng Kala pynkynmaw kane ka surok ka ai ka jingshakri iaka shnong Mawlangdep, Mawliehbah Mawnar ,Nongdisong , Mawiawa , Kaikohram , Mawkohruit, bad Mawrok, kane ka long katum ka kyrwoh ba la phah da u Bah Ananstar Peinlang President FKJGP bad u Genraral Secretary bah Flymingstar Tyrsa Nongdisong unit.
