Kren shai ka KSU ba ka pyrshah tyngeh ia ka Citizenship (Amendment) Bill 2016

Shillong, Nohprah 12: Ka seng KSU mynta ka sngi kala kren shai kdar ba ka pyrshah ia ka jingkwah jong ka sorkar pdeng ban wah rah ia ka Citizenship (Amendment) Bill 2016, ban ailad iaki Hindus, Sikhs, Jains, Parsees, Christians bad Buddhists kiba shong ha ka ri Bangladesh, Pakistan bad Afghanistan ba kin wan sha India ba kin long ki trai shnong.

Ha ka kyrwoh kaba la phah mynta ka sngi da u General Secretary jong ka seng u samla Donald V Thabah, u la ong ba ka seng kala phah ia kane ka kyrwoh halor ka jingkyrpad jong ka High Court jong ka jylla Meghalaya kaba la phah sha u myntri rangbah duh jong ka Ri ban ai ia ka jingithuh kum ki nongshong shnong jong ka Ri India, ia kaba ka seng kam ia mynjur namar khlem da peit ia ka jinglah ban wan rah ia ka jingkylla ha kane ka dong shatei lamih ngi jong ka Ri India lada ki wan ban buhai shnong.

Ha kane ka kyrwoh ka KSU kala kren shai kdar ba kam don kano kano ka jingsngew pyrshah ia kata ka jingsngew para briew katkum ka hok long briew man briew jong ka pyrthei, hynrei ki rit paid jong ka dong shatei lam mih ngi jong ka Ri India dei ban hap da shim ia ka jingkhien kaba bniah.

Katkum ka jingkhein kaba la tip da ka seng, la ong ba ki Himdu ha Bangladesh ki don haduh 14 million, katba ha North East ki jaidbynriew khasi ki don tang 1 million kaba mynta ka jaidbynreiw ka don ha ka jingeh na ka jingwan tuid jong kiwei ki jaidbynriew .

Lada shim na ki jignkhein ha kane ka nongbah Shillong ki trai jylla ki long tang 50%, lada kum katei ka Bill yn pdiang hapoh parliament ki rit paid jong ka dong shatei lam mih ngi kin jah noh.

Na kitei ki 14 million lada tang 3 million kin wan sha Meghalaya ki Khasi kiba don tang 1 million kila shah tyllep bad kane ka ktah ia ka riti ka dustur, ka hok ioh pateng, ka synshar ka khaddar ka ioh ka kot bad kum ka jaidbynriew rit paid kan shuh duh noh suki suki. Kumta ka seng KSU ka kyntu ia baroh ba kin pyrshah ia kane ka Citizenship (Amendment) Bill 2016  kaba mut ban niom ia ki rit paid ka dong shatei lam mih ngo jogn ka Ri India.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet