Shillong, Kyllalyngkot 05: U Dr DD Lapang mynta ka sngi u la kren shai ha ka jingialang pdiang burom ia u Dr Celestine Lyngdoh kum u president jong ka Meghalaya Pradesh Congress Committee kaba la long ha Congress Bhavan ba yn nym ia khun shuh ia ka MLA Election.
Ha ka jingkren ka jong u halor ka jingkyrpad jong ki nongialam jong ka seng Congress ha kane ka jingialang kaba la long hapoh jong ka Congress Bhavan ba un pyrkhat biang halor ka rai ba yn nym ia khun shuh ia ka MLA. Ha kane ka jingialang u Dr Lapang u la pynshai ba ula rai ban nym ia khun shuh ia ka Election MLA.
Wat la yn nym ia khun shuh ia ka MLA election hynrei un trei na ka bynta ka party ha kano kano ka bynta kaba ka pyrta ka pynkhamti ha u. U la ong ba u la shakri ia ka konstitwensi mynta la 40 snem ka por kala dei ba un aiti noh ia kane ka kam sha ki samla kiba lah ban ia beh katkum kane ka juk kaba mynta.
Ha kane ka jingialang pdiang burom ia u Dr Lyngdoh kum u president ba thymmai jong ka MPCC, kiba la kren ha kane ka jingialang naduh u Dr Mukul Sangma, u Salseng C Marak, Bah Vincent H Pala MP, kila kyrpad ia u Dr Lapang ba yn pyrkhat biang ia ka rai kaba u la shim ba lada long kaba lah ban ia khun biang na Nongpoh ha kane ka MLA kaba mynta.
