Kren u DGP ka Meghalaya ia u DGP ka Tripura ban peit ban nym jia ei ei ia ki samla  Pule

Shillong, Nailar 28: U Director General jong ki pulit jong ka jylla Meghalaya u R Chandranathan IPS u la kren ia u Director general ki pulit jong ka jylla Tripura ban pynthikna ban  nym ei ei ia ki samla pule kiba don ha katei ka jylla.

Kine ki samla pule na kane ka jylla ki dei kiba pule hapoh jong ka skul bah ICFAI Kamalghat  ha Tripura ha kaba ki samla pule na kane ka jylla Meghalaya kila don ka jingsngew syier ba ki lah ban shah thombor.

Halor kane na ka liang jong u Director General ki pulit jong ka jylla Meghalaya u la kren ia u DGP jong ka jylla Tripura ban ong ba u dei ban peit ba kan nym don kano kano ka jingjia  pyrshah ia ki samla pule bad la ong ba dei ban dang pynkhlain shuh shuh ia ki lad jingiada.

Na ka liang jong ki pulit jong ka jylla Meghalaya kila ia treilang bad ki pulit jong ka jylla Tripura ban pynthikna ia ka jingshong suk shong shyngian jong ki samla pule bad la ong ba lada don kano kano ka jingiarap kaba long kyrkieh ki samla pule ne ki kmie ki kpa ki lah ban phone ha kine ki number 9436337946 bad 6033090114, kane ka long katkum ka kyrwoh ba la phah da u Bah GK Iangrai Assistant Inspector General ki pulit jong ka jylla Meghalaya.

 

What Next?

Recent Articles

Leave a Reply

Submit Comment

*