Shillong, Naitung 21: Mynta ka sngi ki nonghikai SSA hapoh jong ka lama Meghalaya SSA School Association (MSSASA) kila leit ban ia kynduh ia u lat jong ka jylla u Satya Pal Malik ba un tuklar lem ia kane ka jingeh jong ki nonghikai SSA ha kaba ia dei bad ka tulop bad ka jingkynkiew ia ka tulop.
U President ka seng u bah Aristotle Rymbai haba kren ha ki lat pathai khubor ha khmat iing jong u Lat ka jylla ha dien bala ia kynduh ia u Lat ka ong ba ha kane ka jingiakren u Lat ka jylla u phone sha u myntri rangbah ka jylla u Conrad K Sangma ba don mynta sha Garo Hills ba ynda poi sha Shillong un tuklar lem ia kane ka kam.
Ha kane ka jingiakren kila kyrpad ruh ia u lat jong ka jylla ba yn ia kren lem bad ka sorkar pdeng halor kane ka jingeh jong ki nonghikai SSA, na ka liang jong u Lat ka jylla u la iathuh ba la shai ka sngi un leit sha Delhi bad ha kane ka jingleit un sa kren bad ki bor jong ka sorkar pdeng.
U bah Aristotle u la ong ba ki nonghikai kin dang iai bteng ia kane ka jingiakhih jong ki haduh ba kin da ioh ia ka jubab na u myntri rangbah ka jylla ha kaba ia dei bad kane ka jingeh kaba ki nonghikai ki ia kynduh ha kaba ia dei bad ka tulop.
