Shillong, Jymmang 25: U myntri rangbah ka jylla u Dr Mukul Sangma mynta ka sngi u la kubur ba don ka jingdawa ban bujli nongialam hapoh ka seng Congres, hynrei u la ong ba “ Kane ka dei ka kam poh iing jong ka party yn nym lah ban iathuh ha ki lad pathai khubor, phin nym ioh ei ei na nga”.
Ha ba kren ha ki nongthoh khubor ha ophis trei kam mynta ka sngi, u myntri rangbah u la ong ba ki don ki lad ki lynti kumno ban ia pybeit ia ki jingeh kiba ka seng ka ia kynduh, la ki long ki jingeh kiba na shabar ne ki jingeh ha kaba ia dei bad ki kam election bad kine ki la pynlong ia ka seng congress ba kan ieng wat hapdeng ki jingeh kiba ka ia kynduh.
Haba ia dei bad ka jingthaw ia ka sorkar ha kane ka jylla Meghalaya u la kylli myno phi la iohi ba ka jingthaw ia ka sorkar ha kane ka jylla kaba khlem da don ka Congress, ka seng Congress kala mad ia ka jingeh kaba khraw ha Garo Hills hynrei ka party ka dang neh, haba ia dei bad ki jingkynnoh ha kane ka elelction kaba la dep baroh ki long ki bym don nongrim laong uDr Mukul.
U Dr Mukul u la ong haei kata ka lyer jong ka BJP, peit ha ka Election ha West Bengal, Tamilnadu katno ka BJP ka ioh vote, haba phai sha ka jylla Assam u myntri rangbah u la ong ba ka Congress kala synshar la khatsan snem kane ka la jrong palat bad ki briew kila kwah ia ka jingkylla, lada peit mano ban pynlong ia ka BJP ha Assam dei ki briew jong ka Congress kiba la leit bad katei ka party.
