Ampati, Nohprah 22: U Myntri 
rangbah ka jylla u Dr Mukul Sangma u la plie ia ka Hospital kaba 100 jingthiah ha Ampati hapoh jong ka South West Garo Hills District bad da ka jingplie ia kane ka jaka ai jingsmar ka sorkar kan iarap ia ki paidbah katei ka thain ha ka liang ka koit ka khiah.
Ia kane ka jaka ai jingsumar jong ka sorkar la buh Mawnongrim da u myntri rangbah ka jylla ha u bnai Jymmang 2016 bad ka jingtrei kala iaid sted bad tang ha u bnai Nohprah mynta u snem la lah ban pyndep ia ka ia kaba la plie da u myntri rangbah ha ka sngi Thohdieng.
Haba kren ha kane ka jingialang paidbah ban plie ia kane ka jaka ai jingsumar, na ka liang jongu myntri rangbah u la kren shai ba ka jylla Meghalaya ka don ha pdeng ka jingduna doktor kaba jur bha, u la ong ba bun na ki samla jong ka jylla kiba kwah ban long doctor hynrei kim ioh ia ka lad da ka jingtei ia ki ar tylli ki jaka pule doctor ka jylla kan sa lah ban don kham bun ki doctor ha ki snem ban wan.
U myntri rangbah u la ong ba bun sien ia kaei kaba ka sorkar ka kwah ban leh na ka bynta ka roi ka par jong ki paidbah ka ia kynduh ia shibun ki jingeh na ka daw jong ka jingbym ioh ia ki jaka, hynrei ha kane ka kynti u myntri rangbah u la pynpaw ia ka jingsngewnguh iaki Nokmas ba kila ai ia kane ka jaka ban tei ia kane ka jaka ai jingsumar ia ki paidbah.
U myntri rangbah u la ong ba don kam ban phah peit ia lade na ka por sha ka por ban ioh ia ka koit ka khiah, kumba ka long mynta bun ki briew ki hap ban pynlut shibun ka pisa ha kaba phah sumar ynda kila kem pang kane kam don jingmyntoi shuh dei na kane ka daw ba ka sorkar ka kwah ba ki nongtrei sorkar baroh ki hap ban leit ban phah peit ha ki doktor na ka por sha ka por.
Kiba la don lang ha kane ka sngi ki long u Deputy Commissioner ba dei peit ia ka SWGH District, u Dr H.D.B. Sangma u District Medical & Health Officer, Dr. Khona A. Sangma, bad ia ka jingduwai la leh da u pastor jong ka Ampati Baptist Church, u Webstar G. Sangma.
