Shillong, Kyllal
yngkot 02: U Conrad K Sangma MP jong ka Tura u la ong ba lada ka NPP kan wan ha ka bor ha ka election MLA mynta 2018 kan pynlong ia ka jylla Meghalaya ka jylla kaba thymmai. Ha ka jingkren ha ka jingialang paidbah kaba la long ha Bhoilymbong hapoh jong ka Ri Bhoi District ia kane la kren da u James K Sangma u wei na ki nongialam ka NPP ha katei ka jingialang. Ha kane ka sngi u tei u nongialam jong ka NPP u la kyntu ia ki paidbah ba kin ai ka jingkyrshan ia ka party NPP.
Ha kane ka jingialang paidbah la ong ba ka Election 2018 mynta u snem ka long kaba don kam b
ha ia ka party NPP lada ka wan ha ka bor ka party kan leh ia ki kam ki ban kyntiew ia ka roi ka par jong ka jylla.
Na ka liang jong u James u la ong ba kumba ka long mynta ka jylla kam shym don kata ka jingialam ha ka rukom kaba dei na ka bynta ka roi ka par jong ka jylla. Na ka liang jong ka NPP lada ka wan ha ka bor ka jingtrei kam jong ka long beit kumno ban ialam ia ka jylla sha ka lynti kaba dei ha ki liang baroh.
Ha ka jingkren
jong u Conrad K
Sangma MP jong ka Tura u la ong ba NPP ka dei ka party kaba trei na ka bynta ka jingiada ia ki khrsitan ha kane ka Ri India bad kum ba ka long mynta na ka liang jong ka NPP kala kren bun kiei kiei na ka bynta ka jingiada ia ki paidbah khrsitan ha kane ka Ri bad ka seng kan nym lah ban sngap jar ha kaba ia dei bad ka nongrim ba ka seng ka ieng. La ong u Conrad.
Haba pynshai paidbah ha kaba ia dei bad ka jingsngewsyier jong ki paidbah na ka liang jong u Conrad u la ong ba ka party kan trei na ka bynta ka roi ka par bad ban iada ia ki rit paid ha ka Ri bad na ka bynta ka roi ka par jong ka Dong Shatei Lam Mih ngi jong ka Ri india baroh kawei.
