Shillong, Jylliew 21: Ka seng Hyn
niewtrep Youth Front Southern Riwar Mihngi Circle bad ka Federation of khasi Jaintia bad Garo People War Jaintia Circle ki la lum ia ka jingialang myn ha ka 20 tarik mynta u bnai hapdeng ka Elaka Nongtalang, ka Elaka Darrang bad ka raid Mukertila ha ryngkat ka jingiadonlang ki Rangbah shnong napoh kine ki Elaka.
Ha kane ka jingialang la wan iashim bynta ruh da ki heh nongialam ka KSU War Jaintia circle, u Dalloi ka Nongtalang, Dalloi ka Darrang bad na ka liang u sordar ka raid Mukertila um shym lah lah ban poi namar ka jingdonkam ba kyrkieh sha kawei pat ka jaka. Ka jingthmu kane ka jingialang kaba kine ki ar seng ki la pynlong, ka long ban iapyrkhat bad ia phylliew ha kaba iadei bad ka jingthmu ka sorkar ban plie noh ia ka iew export kaba don ha Tamabil Dawki.
U Bah Tarzon Lymba , president ka HNYF iba la pyniaid ia ka jingialang I la ban jur ba ka seng ka dang pyrshah mynta shipor ban sdang ia kane ka kam. I Bah Lassi Lamin , General Secretary H
NYF, U la pynsngew shuh shuh ba ka seng ka dang ieng ha ka nongrim kaba skhem ban pyrshah ia mynta shipor ia ka jingthmu ka sorkar ban plie ia kane ka kad khaii ha Tamabil namar ka sorkar ka khohreh ban plie khlem da wan jurip shuwa ia kane ka jaka kumba ka la leit jurip sha kiwei pat ki jaka, khlem da pynbiang shuwa ia ki jingdonkam ,bad kane hi k
a pyni kumba ka khein sting bha ia ngi ki paitbah kiba sah shane ka tei thain border .U Bah Reachingson Kongwang, General Secretary ka FKJGP War Jaintia Circle, u la ai ka jingkren ba ka seng hadien ka jingkyrpad jong ki paitbah ban pyrkhat lem ia kane ka kam namar ka jingtieng palat ka jong ki ia ka jingsapred une u khniang covid 19 na ka bynta jong ka ri Bangladesh sha poh war jaintia, kumta na ka liang
ka seng hi ka sngewdei ban da pynlong ka jingiakynduh lang bad ki nongsynshar ka thain shuwa ban shim ia kano kano ka sienjam ha kaba iadei bad kane ka kam.
Ha Kane ka jingialang u la ong ruh ba ka seng ka sngew synei palat ia ki paradoh parasnam napoh ka thain kiba trei ha kane ka kam namar ngi sngewthuh katno ka jingeh ka jong ki ha kum kane ka por naduh ka jingsiew ia ka ram sha bank kito kiba don loan.
Ka jingsiew tulop nongtrei, ka jingbymiaid ka kali ban lait ka sniew lada shu ieng beit kumto ia kito kiba lah load lypa ki maw, hynrei namar ba kane kadei bad ka kam iap kam im ki paitbah, hap ban kyntu ia ki nongkhaii ba kin ap shuwa shipor khnang ba kane ka khlam kan da long jaijai.
U bah Laitphar Syngkremu la pynsngew ba ka seng KSU ka la dep rai hapoh ka EC ba kan ieng pyrshah beit shipor ia kane ka jingthmu ka sorkar ban plie noh ia kane ka kad khaii. U Dalloi bad ki riew rangbah ka Elaka Nongtalang ki la pynsngew ba ka committee Elaka ryngkat bad ki Exporters ki la dep iakynduh ha ka jingialang bad na ka liang ki Exporters ki la mynjur ban sangeh shuwa shipor ia kane ka kam kat bym pat iohi shisha ia ka jingpynkhreh ka sorkar ia kita ki lad jingiada kiba biang shuwa ban shim rai ia kaban plie.
U Bah Aliewsen Ryngksai, u bah Kit Ryngksai bad u bah Silius Lamin Gayang kiba dei ki rangbah nongsynshar napoh Darrang Elaka ki la pynsngew ba ki ruh kim pat kwah ba kane ka kam kan iaid noh mynta hi, ban iada ia ka jingim ki paitbah kiba don sha kane ka thain namar shibun ki paitbah ki dangh Sheptieng ia kane ka jinglong jingman mynta ha kaba iadei bad une u khniang jingpang.
Khatduh kane la jingialang ka la shim ia ka rai ban kyrpad ia ka sorkar ban pynsangeh shuwa mardors Shipor ia ka ban plie ia kane ka kam bad ki kyntu ruh ia ka sorkar ba kan pynlong shuwa da ka jingialang hapdeng ka sorkar ryngkat bad ki nongsynshar shnong bad ruh bad ki nongialam kine ki lai tylli kis Sengbahlang ban ia peit shuwa ia kita ki SOPs kiba ka sorkar kan pyntreikam la ki shngain ne em, k
hnang ba yn lah ban pynsngewthuh shai ia ki paitbah kiba don hapoh ki shnong ki thaw hapoh kane ka thain. Kane ka long katkum ka kyrwoh Bala play da u Bah Tarzon Lymba, President HNYF ,Southern Riwar Mihngi Circle bad na u Bah Reachingson Kongwang, General Secretary,FKJGP War Jaintia Circle.
