Kular u bah Banteidor T.15 lak ban sdang ia ka science stream ha skul GSHSS jongksha

Shillong, Jylliew 03: Ka Good Shepherd Higher Secondary School, Jongksha dang shen kala pynlong ia ka Programme kaba kyrpang na ka bynta jong ki Kmie ki Kpa jong ki Khynnah Skul ia kaba la tip kum ka ‘Parents’ Day Celebration 2018’ kum shibynta ban wanrah ia ka jing sngew jan bad ka jing iatreilang kaba kham janai hapdeng ki bor pyniaid jong ka skul bad ki kmie ki kpa jong ki khynnah skul.

Ha katei ka sngi la pynlong ia ka jingialang kaba iphuh iphieng da ka jing wan iashim bynta shitrhem jong ki Kmie ki Kpa jong ki Khynnah Skul Ka Good Shepherd Higher Secondary School, Jongksha ha ryngkat ki jing pynbyrngia kiba pynshohbiej khamtam eh ia ki Kynrem ki lyndan bad ki nong shah khot sngewbha lyngba ki programme ki bapher bapher na ki khynnah skul kynthup naduh ki jing shad tynrai,ki jingrwai bad jing shad ba kyrpang, ka jingialehkai Drama kaba la ktik jingmut shikatdei eh, Tiny Toys Perform, Fashion Show bad kiwei kiwei de ki programme.

Ia ka jingialang ha katei ka sngi la plie pyrda da ka jingkren pdiang sngewbha da u Fr. George Jacob CSC Principal, ha kaba la ioh ruh ia ka jingkren na U Bah Robin Sohtun uba long uwei na ki kpa jong ki khynnah Skul, nalor kiwei pat kiba la ai jingkren ha katei ka sngi ki kynthup ruh ia Ar ngut ki Symbud Kongsan kata I Bah Labiangbha T. Tariang, BDO Mawkynrew C&RD Block bad I Rev. Fr. Simon Fernandez CSC, Provincial Holy Cross, N.E. India

La pyn shongkun shuh shuh ia katei ka jingrakhe ia ka‘Parents’ Day Celebration 2018’ da ka jingiadon ryngkat lang jong u Bah Banteidor Lyngdoh (Bah Pai) uba long ruh u MLA/MDC jong ka Mawkynrew Constituency bad ha kajuh ka por u Myntri sorkar ba dei khmih ia ka Sports & Youth Affairs ha ka Sorkar Meghalaya Democratic Alliance uba la long kum u Kongsan ha katei ka sngi. Haba kren ha ka jingialang kum u Kongsan ha katei ka sngi u Bah Banteidor Lyngdoh  u la pynpaw ka jing sngewnguh nyngkong eh ia u Blei Nongbuh Nongthaw uba la don ryngkat ha ka jingim ka jong u bad kumjuh ruh ia ki bor pyniaid jong ka Skul Good Shepherd Higher Secondary School, Jongksha lyngba ka jingdon ryngkat ha ka jingshakri ia ki para briew.

Na ka liang jong u Kongsan u la ong ba ka Shnong Jongksha bad ka Thain Mawkynrew hi baroh kawei ka long kaba donbok shibun bad kadei ka Shnong kaba la kyrkhu kyrpang da u Blei namar nalor ka jing seisoh jong ka khyndew ka don ruh ia ka jaka jngohkai pyrthei kiba la sdang ban paw bha ha kine ki sngi kiba mynta bad kaba kham kongsan eh kadei ka jing don jong ki Shlem Saindur ia ka Lawei jong ki Khynnah Skul lyngba ka jing shakri kaba ym lah satia ban niewtang da ki Nonghikai bad ki Nong pyniaid jong ka Good Shepherd Higher Secondary School, Jongksha kaba la lah ban sei ia shibun ki samla kiba stad bad kiba shemphang katba nang iaid ki por bad ki snem.

Ha katei ka sngi na ka liang jong u Bah Banteidor Lyngdoh, Minister of Sports & Youth Affairs u la pyllait paitbah ruh ia ka Thup Sah kynmaw (School Magazine) jong ka skul kaba long kum u Mawmer ha ka jingshakri lyngba ka pule ka dangle ha ka thain. Na ka liang jong u Kongsan ha katei ka sngi u la pynbna paidbah ruh ba un ai ka jingiarap kaba kyrpang ia ka Good Shepherd Higher Secondary School, Jongksha lyngba ka MLA Scheme kaba haduh T.15 Lak Tyngka na ka bynta ban shna ia ki Classroom bad ban wanrah ia ka Science Stream na ka bynta ki khynnah kiba pule ha ka Class XI & XI.

Shuh shuh na ka liang jong u Bah Banteidor Lyngdoh MLA/MDC, Mawkynrew Constituency u la pynbna paidbah ruh ba kum shibynta ban pynshlur bad ban btin lynti ia ki samla pule khnang ba kin nang lah ban kiew shaphrang ha ki jing pule bapher bapher na ka liang jong u un sa pynkup burom kyrpang ia baroh ki samla pule jong ka Mawkynrew Constituency kiba wan ha ka kyrdan 1st Division bad kiba ioh ia ka Distinction ha ki Subject bapher bapher ha ki kyrdan pule class-X & Class-XII, ha kaba u la kyntu ia baroh ki samla pule ba kin pynpoi ia baroh ki jing donkam ha lane shwa jong ka 30th June 2018 bad ia ki jingtip kiba kham bniah ki lah ban phone sha kine ki number jong u Bah Seibor Warbah: 8794706202, Kong Mem: 9862586010, Dengbok Kurkalang: 9862814226, Deimon Pakyntein: 8729979909 bad Bah Shngain Syiem: 8132003949/ 8837415847.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet