Kular u bah Pyniaid ban buh teng shuwa ia ka ilkeshon Lyngdoh ha ka Hima Mawphlang

Shillong, Risaw 15: U bah John Kharshiing lem bad ki katto katne ki riew rangbah kiba dei na ka Hima Mawphlang kiba sah sha bar jong ka hima mynta ka sngi kila leit ban buh ia ka jingujor ha khmat jong u Deputy Chief executive Member (CEM) u Bah Pyniaid Sing Syiem ba dei peit ia ka elaka   ba dei ban pynsangeh shuwa ia ka ilekeshon ban jied ia u Lyngdoh ka Hima Mawphlang.

Haba kren ha ki lad pathai khubor ha dien ka jigniakynduh ia u Deputy Chief Executive Member jong ka KHADC u bah John Kharshiing u la ong ba kane ka jingwan ujor jong ki ka long kum ki riew shimet kiba dei na katei ka hima kiba sah sha bar jong ka Hima kane ka jingwan ka long kyntu ia ka KHADC ba kan buh teng shuwa ia ka ilekshon jied Lyngdoh hapoh ka Hima.

La iathuh ba ia ka Hima Mawphlang la pynlong da ki 12 tylli ki kur bad na kine ki don san tylli ki kur kiba lah ban jied ia u Lyngdoh, kita ki long ka kur Lyngdoh Mawphlang, ka kur Blah, ka kur Kharshiing, ka kur Kharhunai bad ka kur Kharsohlia kine ki long kita ki kur kiba don ia ka hok ban jied ia u Lyngdoh.

U bah John u la iathuh ba ha ki por mynshuwa la juh pynlong ia ka jingjied ia u Lyngdoh da kaba niew khlieh briew ba kane ka wanrah ia ka jinghuri hura, ha dien kane kala mih ka rai ba ban jied ia u Lyngdoh dei ban long tang kiba sah hapoh jong ka Hima.

Kane ka jingujor ka jong ki ka long ba ki kur kiba don ia ka hok ban jied ia u Lyngdoh ki dei ban ioh ia ka lad wad la ki sah sha bar jong ka hima da kaba pynshisha lyngba ki kot ki sla kaba ki don, na ka liang jong ki ki kwah ba kito kiba sah shabar jong ka hima ruh kid ei ban ioh ia ka hok ban jied ia u Lyngdoh ka hima.

Ha kane ka jingiakren na ka liang jong u bah Pyniaid Sing Syiem Deputy CEM ba dei peit ia ki kam elaka u la iathuh ba la buh teng shuwa ia ka ilekshon bad la buh tarik ha ka 28 tarik mynta u bnai ba khot ia ki nongpyniaid jong ka hima ban ia kren sani halor kane, kane ka long katkum ka jingiathuh jong u Dy CEM ha kane ka jingiakynduh mynta ka sngi, la ong u Bah John Kharshiing.

What Next?

Recent Articles

Leave a Reply

Submit Comment

*