Shillong, Jymmang 01: Ka Ri-Bhoi youth organisation (RBYO) sengkmie mynta ka sngi kala ia u CEM ka KHADC u Bah Teinwell Dkhar ha kaba la ialam da u president u bah Baiateilang Lapang bad u General Secretary u bah Kronding Nongbsap lem bad ki member jongka seng halor ki mat kiba ktah ia ka imlang sahlang.
Ka jingiakynduh jong ka RBYO ia u CEM jong ka KHADC ka long halor ka phang, ki Dorbar shnong ,ki barjylla, ki iew ki hat bad kiwei kiwei kiba ktah ia ka imlang sah lang. Haba ia dei bad ki dorbar shnong ka seng ka kyntu ia ka KHADC ban don noh ia ki mat treikam kumno ban nym ailad ia ki bar jylla ban rung khlieh hapoh ki shnong ki thaw khlem da pynbiang ia ki kot ki sla kiba biang.
Haba ia dei bad ka khaii pateng kim dei ban iaid lait na ka KHADC ki bym don ia ki trading Licence,Labour Licence bad kiwei kiwei ki jingdonkam ba ki nongialam shnong ki juh ailad ban rung hapoh ki shnong jong ki bad la ia kren ruh ba dei ban don noh da ka ain ba pyrkhing ban pynshitom ia ki nongialam kiba juh ai lad ia ki bar jylla na ka liang u CEM u la mynjur ban shim khia da kaba iatreilang bad ki syiem ki Hima ha kaba ia dei ban pynshitom ia kiba donkti ia kitei ki kam.
Haba ia dei bad ka jingteh lakam ia ki bar jylla ka seng kala pynsngew hakhmat u CEM ban pyrkhat thymmai noh haba issue ne pynthymmai ia ki trading Licence namar kumba long baroh shi katta ka trading kam i don jingmut namar ka ailad pynban ia ki barjylla kiba ioh ia ka trading licence ban leh katba mon da kaba wan rah ia ki nongtrei jongki da ki briew kiba nabar naduh ki dukan, contractor, karkhana bad kiwei kiwei kiba juh iaid lait na ka KHADC namar kim juh pynbiang ia ki labour Licence.
Na ka liang ka seng RBYO ki kwah ba ka KHADC kadei ban don ka jingpynshitom da kaba pynduh ne suspended ia ka trading Licence jong ki lada ki iaid lait na ka KHADC namar kane ka wan rah ia ka jyllei ki bar jylla namar ka ain ka synjor palat ban pynshitom ia kiba leh pyrshah halor kane na ka liang u CEM u bah Teinwell Dkhar lem bad ki EM u la kular ban shim khia halor kane .
Ha kane ka jingiakynduh la ia kren ruh halor kine ki bar jylla kiba don ha kylleng ka them Ri Bhoi kiba juh ioh ban trei mon ban sah katba mon khlem don kino kino ki kot ki sla kiba biang kum ka epic,labour licence kumta ter ter naka liang ka seng ngi dawa ba dei ban pynshitom ia kiba leh pyrshah kiba ba juh wan ban buhai shnong bad ban knieh noh ia ka hok jong ki trai jylla kumba baroh shi katta na ka liang ka KHADC kam don ia ka ain kaba pyrkhing ban teh lakam ia ki.
Ka RBYO ka kyntu ia ka KHADC ban peitngor lem ia ki iew sha ki thain Ri Bhoi jong ki kum ka iew Byrni,Nongpoh,Umsning,Umroi Bhoirymbong bad kiwei kiwei ki iew kiba don hapoh Ri Bhoi.
