Shillong, Naiwieng 23: Mynta ka sngi ka seng JSU kala rah da ki lama iong bad rah ia ki saw tylli ki mat jingdawa ha khmat u mytnri rangbah ka jylla U Conrad K Sangma bad ka kynhun myntri ha ka jingleit jong u sha ka shnong Mukroh.
Ka seng JSU ka lah rah da ka lama iong haka por wan iuh kjat u Myntri Rangbah bad u Symbud Myntri Rangbah ka jylla bad kiwei ki myntri jylla hapoh ka shnong Mukroh bad ka seng ka lah pyrta shla bad dawa na u sorkar jylla ban buh iaka Police regiment ha ka shnong Mukroh ban ioh jingiada ki paitbah kiba shong ha khap pud.
Ka seng ka ai ruh da ka dorkhas bad ka ki saw tylli ki mat jingiada, Ban dawa na ka sorkar jylla ban pyntikna ban ai ia bor pahara kaba skhem ha ki jaka khap pud bad ban ai iaka hok kiba shem lanot kiba lah iap ei ha u kuli ki pulit Assam ha Mukroh.
ka seng ka lah dawa na ka por shaka por na ka sorkar jylla ban buh noh daka ktem pulit ap pahara iaki jaka khap pud ban lait na ka buhai shnong ki pulit Assam bad wan rah biang iaka jingsuk bad ka jingshong shngaiñ .
Ka seng dawa ruh na ka sorkar ban wanrah biang iaki 36 tylli ki shong Khasi bad Jaintia (Block1 ) sha ka jylla Meghalaya bad ban pynduh iaka Notification 1951 jong u Governor of Assam.
Ka seng ka dawa na ka sorkar jylla ban ai noh khlem da pynslem shuh iaka lad jingiarap sha ki longing kiba duh ei iaki baieid bathoin bad kiba mynsaw ha u kuli ki pulit Assam bad Forest guard.
Ha ka jingiakren u Myntri Rangbah bad ki nongialam ka seng JSU ha Mukroh myne na ka liang u Conrad u lah kular ban shim khia ban buh iaka ktem pulit ha Mukroh ban ai jingiada iaki nongshong shnong khap pud bad ban pyrshang ban wan rah iaki shnong Khasi Jaintia na Block ha ka jingpynbeit pud bad ka jylla Assam.
Ha kane ka sngi ka KSU kala pynlong ia ka jingwah lama iiong ha kylleng ki bynta jong ka Ri Khasi Jantia ban pynpaw pyrshahia ka jingleh ki pulit Assam kaba kila siat dusmon ia ki riew paidah hapoh ka shnong Mukroh.
