Shillong, Naitung 07: Halor ka jingleit ia kynduh jong ki MDC jong ka KHADC ia u myntri rangbah ka jylla u Conrad K Sangma ban khot ia ka dorbar ba kyrpang ha ka jingiakynduh na ka liang jong u myntri rangbah u la ai ka jingkular ba un sa peit halor kane ka jingujor jong ki MDC.
Kane ka jingleit ia kynduh jong ki MDC ka KHADC ia u myntri rangbah ka jylla ban pan ia ka dorbar ba kyrpang ka long ba ki kwah ban bujli noh ia u Bah Pynshngianglang Syiem kum nongialam hapoh jong ka KHADC bad iane la h ban leh tang da ka iing dorbar namar ia u Chief Executive Member jong ki District Council la jied da ka iing dorbar bad ban weng ruh hap ban leh da ka iing dorbar.
Ha katei ka jingleit ia kynduh ia u myntri rangbah ka jylla ki MDC jong ka KHADC kila jied ia u Bah HS Shylla ban ia lam ia kane ka kynhun jong ki MDC. Katkum ki rule pyniaid dorbar ka long ba ia ka jingshong dorbar ba kyrpang lah ban khot da ka jingkyrpang jong ki MDC bad kane ka kynhun kala leit ban ia kynduh ia u myntri rangbah ka jylla ban pan ia ka dorbar ba kyrpang.
