Shillong, Jymmang 06: Ka jingiatrei shitom lang hapdeng ka Meghalaya People Labour’s Union Jaintia Hills District Committee bad ka Synjuk Rangbah Chnong ki Coal Suppliers Association bad ki sengbhalang bapher bapher kiba don hapoh Rilum Jaintia
ki la pynlong Ka jingshong kyllain mungor ha khmat ka office jong u DC East Jaintia Hills District, Khliehriat na ka bynta ban pyrshah jur ianka jingai bor ka Sorkar Meghalaya ia ki Cement factory ba bun hapih Elaka Narpuh.
Ñiuma tang ha ki khyndiat minit u DC u la khot ia kren bad ki nongialam bad u la kular ruh ban pynsangeh shi syndon ia ki trok kiba wan kit dewiong na Assam. Ka ka kynhun ai khublei ia ki paidbah ba ki la kyrshan tylli bad ai mynsiem ia ngi ki nongialam ki Seng ba oher ba pher hapoh ka District.
Kum ka seng ka ai khublei krpang khamtam ia u President Rangbah Meghalaya People’s Labour Union (MPLU) jong ka state level u Mr Erwin K Syiem Sutnga, Advocate u ba la ai buit ai bor ia kiba bun ki ishu u paidbah na kawei ka por sha kawei.
Khamtam ia kane ka ishu kaba shyrkhei namar ba lada ioh rung une u khniang jingpang COVID 19 lyngba kine ki trok ki paidbah jing ngi kin long ki langkñia khlem tip pop tip hok.
Ha kane ka jingiakhih mynta ka sngi kiba la ia shim bynta lang ka long ka Synjuk ki Waheh Shnong jong ka East Jiantia Hills ban pyrshah ia ka jingailad ka sorkar ban wan kit dewiong ki karkhana shna dewbilat kiba don ha East Jiantia Hills na Assam.
