Shillong, Jylliew 22: Hadien ba ka Kiang Nangbah Govt College ka lah khang ia ka Jingpynrung klass lah pynrung haduh 2149 ngut katkum ka Seat Capacity ha baroh ki Class naduh ki Higher Secondary bad ki Degree kiba dang sah pat sa 2026 ngut ki bym pat ioh.
Kane ka jingbym ioh rung klass ki samla kala mih ka jingklumar ba bun ki long kmie ki Longkpa ki Samla pule ruh ki lah duh jingkyrmen ki lah sngew diaw ba ym ioh shuh ban pule ha kane ka College Sorkar te naka liang ka Kiang Nangbah Govt College Students Union ka lah leit ban ia kynduh ia u Principal Secretary jong ka Tnat Pule puthi u bah D.P Wahlang bad kumjuh ia u Director of Higher and Technical Education(DHTE) bad ia u Director of School Education and Literacy(DSEL) jong ka Sorkar meghalaya.
Naka liang jong ka KNGCSU kala ai jingthoh ruh sha ki ar ngut ki Minister jong ka Sorkar meghalaya Ka Kong Roshan Warjri kaba dei peit iaka tnat Higher and Technical Education bad haka Deborah C. Marak kaba dei peit iaka tnat School Education and Literacy jong ka sorkar meghalaya. Halor katei ka jingeh kaba ki samla pule ki ia kynduh ha Jiantia Hills.
Na ka liang ka KNGCSU kala leit ban ia kren bad u Principal Secretary Jong ka tnad pule ka sorkar jylla kumjuh ia ki arngut ki Director ki la ban khia ban ki samla pule kiba thep klas hapoh kane ka College ki dei ban ioh lut baroh ym dei ban kyntait iaki dei ban pynrung ia ki baroh khamtam ba bun ki ba wan na ka long ing ba duk kiba na nongkyndong, te nakaliang u Principal Secretary u bah D.P Wahlang u lah ong ba u ruh u la sngewkhia halor kane u ruh u lah ong ba baroh kiba apply ha kane ka college ba yn pynrung ia ki baroh haka ne ka college u lah kular ruh ia kaba donkam yn pynbiang hi ka Education department naduh ki nonghikai ki classroom .
Haba kylli halor ki mat jingdawa kiba naka liang KNGCSU kala dep buh da ka Memorandum haka Kong Roshan warjri mynshim snem te haba iadei bad jingpynheh classroom kaba lah dep mang lypa da Ka RUSA ba yn sdang noh ban tei iaka ha u bnai July. Haba iadei bad ka B.Ed College pat u la ong ba ym pat lah ban sdang iaka mynta u snem namar ba hap ban pynbiang shwa ia baroh ki jingdonkam ha kane ka B.Ed College u la ong ba ia ki post ba lait lah dep phah sha MPSC bad DSC ban leh ia kaba donkam. Iaka B.Ed college lah ban sdang ha u snem ban wan. Na kaliang ka KNGCSU ka dang ap ia ka jingbuh por naka liang ka Kong Roshan Warjri ban iakren ha kiwei pat ki jingdawa ba dang sahteng bad kiwei pat ki jingdonkam ka College.
