Kular u Dr Mukul ia ka RBSU ban buh da ka Community College ha Ri Bhoi District

The RBSUShillong, Nailur 06: U myntri rangbah ka jylla u Dr  Mukul Sangma ha ka jingkynduh bad ki nongialam jong ka Ri Bhoi Student Union (RBSU) u la kular ba ha ka jaka jong ka Government College, ka sorkar kan buh da ka Community College ha Ri Bhoi District.

U Bah E J Nongpluh president jong ka RBSU haba kren ha ki nongthoh khubor ha dien ka jingiakynduh bad u myntri rangbah kajylla u la ong ba ha kane ka jingiakynduh na ka liang jong u myntri rangbah u la kren ha ki nongialam jong ka seng ba ka sorkar kan nym lah ban buh ia ka Government College hynrei kan buh da ka Community College hapoh jong ka Ri Bhoi District. Na ka liang jong ka tand pule ka dang wad jaka mynta.

Naka liang jong u presidentjong ka RBSU, u la ong ba ka jingdawa ka jong ki ka long ba ka sorkar ka dei ban buh ia ka Government College, hynrei na ka liangjongu myntri rangbah u la ong ba ka don ka jingeh ban buh ia ka Government College ha kaba ia dei bad ki nonghikai namar ia ki lah ban pynkynriah na kawei ka jaka sha kawei pat bad bun ki nonghikai ki kwah beit ha ki jaka sor.

La ong ba ka jingmyntoi jong ka Community College ka long ba kino kino ki nonghikai kiba shah thung ha kumn kine ki college kin trei ha ka juh ka jaka haduh ban da shong thait na ka kam, kane kan long ka jingmyntoi ia ka college bad kum juh ia ki samla pule jong ka College. Na ka liang jong ka seng ka pdiang ia kane ka jingong jong u myntri rangbah. Haba ia dei bad ka jaka pat kin dang ia pynbeit mynta.

Ha ka juh ka por ha kane ka jingiakynduh mynta ka sngi ia u myntri rangbah kila ia kren ruh ia ka surok na Umsning-Mawhati sha jagiroad ba ka sorkar ka dei ban pynkylla noh ia kane sha ka National Highway. Kane ka surok ka jrong 90 km bad ynda la shna bha ia ka kan wan noh tang 60 km. Ia kane ka bynta u myntri rangbah u la ong ba kala don ha ka mang tyngka jong ka sorkar jylla.

What Next?

Recent Articles

Leave a Reply

Submit Comment
*