Shillong, rymphang 19: Mynta ka sngi ki nongialam jong ka seng KSU bad ki rangbah shnong ka shnong Umwali kila leit ban ia kynduh ia u myntri kam poh iing jong ka jylla u James K Sangma ha kaba kila ai ia ka dorkhas ban dawa ba ka sorkar ka dei ban pynkhlain shuh ia ki bor pulit ban pahara hapoh shnong Umwali ban lait na ka jingshah thombor ha ki pulit Assam.
Haba kren ha ki lad pathai khubor ha dien ka jingiakynduh ia u myntri kam poh iing u President jong ka KSU u bah Lamboksyarwell Marngar u la ong ba ha kane ka jingiakynduh kila dawa na ka sorkar ba ka dei ban pynkhlain ia ka jingpahara ha khappud bad ka jylla Assam bad khamtam eh hapoh ka thain langpih kaba la wanrah ia ka jingshah bom sha thied jong ki briew ka jylla Meghalaya ha ki Pulit Assam.
U President jong ka KSU u la iathuh ba ha kane ka jingiakren na ka liang jong u Myntri kam poh iing u James K Sangma ha kane ka jingiakren u la ai ka jingkular ba ka sorkar kan sa pynkhlain shuh shuh ia ki bor pulit ban pahara ha katei ka shnong Umwali kaba la don kane ka jingjia kaba sngewsih
Ha kane ka jingkynduh na ka liang jong ka sorkar kala dawa ruh ba ka sorkar ka dei ban ai bai lutksan ia ki briew kiba la mynsaw bad na ka liang jong u myntri kam poh iing u la ong ba ia kane ka bynta ka sorkar kan sa peit ia kaei kaba ka lah ban leh ban iarap ia ki briew kiba la ngat ha kane ka jingshah shoh ha ki pulit jong ka jylla Assam.
Haba ia dei bad ka jingpynpoi ia ka bording ilektirk sha katei ka shnong u mytnri kam poh iing u la kular ba ka sorkar Meghalaya kan pyndep ia kane ka kam bad na ka liang jong ka sorkar kan shim khia ba peit ba kan nym don shuh ka jingpynwit ha kaba pyntrei kam kane ka kam ring ksainar light ha katei ka shnong.
Haba ia dei bad ka jingdon jong ki pulit ha Langpih na ka liang jong ka KSU kala dawa ba ka sorkar ka dei ban buh noh ia ka police sation ha kane ka jaka khang ban ai jingshngian ia ki paidbah katei ka thain ia kaba kila dawa na ka por sha ka por ia kaba ka sorkar kam shym pat leh ei ei halor kane ka jingdawa mynta la bun bun snem, laong u samla John F Nongsiang President ka KSU Weat Khasi Hill District.
Ha kane ka jingleit ban ia kynduh ia u myntri kam poh iing ka jylla la don lang ruh ki nongkitkam shnong jong ka shnong Umwali ha kaba maki ruh kila pynsngew sha u myntr8i kam poh iing ia ka jingeh kaba ki ia kynduh kum ki paidbah nognshnong shnong kiba don ha kane ka thain.
