Kular u Lat ka jylla ia ki nongwad RTI ban ia kren bad u Myntri Rangbah bad u CS ka jylla

Shillong, Rymphang 13: U Lat ka jylla u Satya Pal Malik u la kular ia ki khynhun jong ki nongwad RTI ba yn sa khot ia u Myntri rangbah ka jylla u Conrad K Sangma bad ia u Chief Secretary ban iakren bad ki halor ka jingeh jong ki nongwad RTI ki kynduh ha ka jylla ha ka ba ka sorkar jylla kam kyrshan ia ki.

Ha ba iakren bad ki lad pathai khubor u bah Kronding Nongbsap u la iathuh ba la jingleit kynduh jong ki kynhun nongwad RTI ia u Lat ka jylla ka long halor ka jingeh ba ki mad na ka jingsngap jar jong ka sorkar jylla wat la lap pyllein ia ka lam bam sap ha ka jylla.

u la iathuh ba ka jingiakynduh ka long ruh ba u Lat ka jylla yn shim khiah ban pynkhlain ia la shynshar paidbah ha ka jylla bad ban peitngor ia ka jingpyntreikam hok ia kibskim ba wan na ka sorkar pdeng.

u la ong ruh ba kum ba julap lyngba ka RTI ia ka kam bam sap ka ba shyrkhei na ka MGNRGS skim hynrei ka sorkar jylla ka sngap mynthi ia kine baroh wat la ki poi ki por ba kine ki kynhun ki shah byrngem bad shah beh shnong ruh.

u la kynnoh ruh ba ka jinglyngngoh ka long ruh ba ki PIO ki pynduh ia ka jingkyrmen ha ka ba na ka liang ka sorkar ka kren lyngba ki Block Development Officer kim ai shuh ia ki skim ha ka shnong namar ba ka shnong ka don RTI.

“kum ta ngi la wan ia kynduh ia u lat ka jylla khnang ba yn ioh tuklar lang halor ka jingshem jingeh jong ki nongwad RTI ha ka ba ki shah pyndik bad ka sorkar jylla ruh kam shem la kyrshan ia ki”u la bynrap

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet