Kular u Myntri ka koit ka khiah ban kyntiew ia ka Sub-Centre ha Sawsymper sha ka PHC

Shillong Naiwieng 18: U myntri ka koit ka khiah ka sorkar jylla u Bah AL Hek, ha ka jingleit jong u ban jurip ia ka Sub-Centre kaba don ha Langsynphut jong ka thain Sawsymper u la ong ba ka sorkar jylla ka buh ia ka thong ba ha khmat eh na ka bynta ban kyntiew kyrdan noh ia ka ia kane ka sub-Centre  sha ka kyrdan Public Health Centre.

Ban kyntiew ia ka Sub-Centre sha ka kyrdan PHC, na ka liang jong u myntri ka koit ka khiah u lapynsngew sha ki nongialam shnong ba kin pynioh ia ka jaka kaba heh la kumno kumno kam dei ban duna ia ka san akar na ka bynta ka jingdon kam jong ka PHC.

Haba ia kren bad ki lad pathai khubor u Bah Hek u la ong kaei kaba la pynlong ia u ban wan jngoh ia kine ki jaka ai jingsumar kadei namar ba ka dei ka kamram ka jong u kum u nongshakri paidbah bad ruh kum u minister ba peit ia ka tnad jong ka koit ka khiah na ka bynta ban ai ka jingshakri ba pura ia ki paidbah jong ka jylla.

Na ka bynta ka Sawsymper Sub Centre la la buh ia ka thong ba ha khmat eh na ka bynta ban kyntiew kyrdan noh na ka Sub Centre sha ka kyrdan Public Health Centre bad ungeit ba sa katto katne bnai kin sa ioh ia ka jingmang khnang ba kin lah ban sdang noh ia ka kam namar ba u la dep ban iohi ba kadei kaba donkam palat haba la ioh ban ia kren bad ki rangbah jong ki shnong ki seng bhalang bad kumjuh ruh ia u MLA ka thain.

Ha ka sngi Saitjain u Bah Hek ryngkat bad u MLA jong ka Mawsynram u bah H M Shangpliang, nalor ba kila leit ban jurip ia ka Sub-Centre ha Sawsymper, la leit ruh ban jngoh ia ki nongpang kiba thiah hapoh jong ka Mawsynram CHC bad ka jingdon kam kaba ha khmat eh jong kane ka CHC ka dei ka jaka puid nongpang hynrei kam don ia ka jingmang briew ban thung ha kane ka kam bad kaba kongsan eh mynta ka dei ban pybha ia ka jingring light ha kane ka CHC.

Ha katei ka juh ka sngi u myntri ka koit ka khiah u la leit ruh ban peit da la de ia ka jingpyntrei ia ka PHC ha Lawbah ka dang sah teng haduh kine ki sngi ha kaba ym shym la lah ban pyndep ia ka jingtrei katkum ka por kaba la mang da ka sorkar jylla.

U bah HM Shangpliang u ba dei u MLA jong katei ka thian u la ong ba ka jingwanialam ka jong u ia u myntri ka koit ka khiah ka long ban peit ia ka jingeh kaba ki paidbah ki ia kynduh ha kaba ia dei bad ki lad jingsumar ha kane ka thain baroh kawei, da kane ka jingwan u myntri ka koit ka khiah ban wan jgnoh ia ka thain kyrmen ba un sa lah ban pynrulong ia ka jingdon kam ki paidbah.

 

 

What Next?

Recent Articles

Leave a Reply

Submit Comment

*