Kular u Myntri ka sorkar pdeng ban wad lad ban pynlait ia ka jingkhang tih dewiong ha Meghalaya

Meghalaya CMNew Delhi, Iaiong 15: U myntri rangbah ka jylla Meghalaya u Conrad K. Sangma, lem bad ka kynhun myntri kila ia kynduh ia u myntri ka sorkar pdentg ba dei peit ia ka ministry ki kam mar poh khyndew uPiyush Goyal  ha nongbah Delhi ban ia kren ia kane ka jingkhang tih dewiong kaba la ktah ia ka ioh ak kot jong ki paidbah ka jylla Meghalaya.

Ha kane ka jingiakynduh na ka liang jong ki myntri na ka sorkar jylla kiba la ia don lang ki long u Bah Prestone Tynsong, Bah  Metbah Lyngdoh bad u Bah anteidor Lyngdoh, ha kane ka jingialang na ka liang ki heh jong ka ministry ba dei peit ia ka kam dewiong ha ka Ri kila ia don lang.

Ha kane ka jingiakynduh bad u myntri ka sorkar pdeng, na ka liang jong u myntri rangbah ka jylla  U Conrad  bad ka kynhun myntri kaba la ia synranglang kila ia mir jingmut bad u myntri ka sorkar pdeng ban kyntu ia ka sorkart pdeng ba dei ban pynlait ia  ka jingtih dewiong ha kane ka jylla, hynrangkat ki lad jingiada ia ka mariang khang ba ka jingpynneh ia ka mariang bad ka ioh ka kot kan iaid ryngkat ryngkat.

Ka por kaba la kham shim eh ha kane ka jingiakynduh kalong halor ka phang ba ka NGT kala khang ia ka jingtih dewiong ha kane ka jylla. Na ka liang jong u myntri rangbah u la ban jur ha khmat jongu mytnri ka sorkar pdeng ba ka jingtih dewiong ha kane ka thain ka ka long kaba don bad ha ka juh ka por ban iada ia ka mariang, la ong u myntri rangbah ka jylla.

Ha kane ka jingiakynduh na ka liang jong u myntri ka sorkar pdeng ba dei peit ia ka kam marpoh khyndew ha ka Ri, u la shah skhor bha ia kaei kaba u myntri rangbah ka jylla bad ka kynhun myntri kala pynsngew na ka bynta ban pynlait ia ka jingkhang tih dewiong ha kane ka jylla Meghalaya. Ha kane ka jingiakynduh na ka liang jong u myntri ka sorkar pdeng u la ai ka jingkular ban wad ia ki lad ki lynti kumno ban pynlait kloi noh ia kane ka jingkhang tih dewiong, la iathuh u myntri rangbah.

 

What Next?

Recent Articles

Leave a Reply

Submit Comment

*