Shillong, Naiwieng 10: U myntri kam poh iing jong ka jylla u James K Sangma, u la leit ban jngoh ia ka kong Agnes Kharshiing bad ia ka Amita Sangma kiba shah sumar mynta hapoh NEIGRIHMS hospital Shillong.
Ha kane ka jingleit u la ia kynduh ia kiba ha iing sem jong ka kong Agnes, u Bah John Kharshiing bad ki khun jong ka Amita. U mytnri kam poh iing u la kular ba ka sorkar kan sa iarap sha kiba ha iing ha sem katba lah.
U mytnri kam poh iing u la pynrem jur ia kane ka jingbom ia ka kong Agnes bad ia ka Amita, na ka liang jong u myntri kam poh iing u la ai ka jingkular ban thwet tyngeh ia kine kiba don kati ha kane ka kam runar. U la pynpaw ia ka jingsngewkhai ka jong u ia kane ka jingleh kaba dei ka kam riewkhlaw ha kaba ka sorkar kan nym lahb an shah.
U myntri kam poh iing ha dien ba la ioh ia ka jingtip ha kaba ia dei bad kane ka jingjia u la pep noh shiteng ia ka jingleit jong u bad wan phai noh sha la ka jong ka jylla ban peit ia kaei kaba la jia, ong ka khubor kaba la phah na ka liang jong u myntri kam poh iing mynta ka miet.
