Kular u myntri rangbah ia ka KHLTWA ban shim khia ia ka jingeh kaba ki ia kynduh

Shillong, Jymmang 16: Ka seng Khasi Hills Local Taxi Welfare Association (KHLWA) mynta ka sngi kala ia kynduh ia u myntri rangbah ka jylla u Conrad K Sangma ha kaba kila ai ia ka dorkhas ha kaba ia dei bad ki jingeh ba kum ki nongniah taxi ki ia kynduh.

Haba kren ha ki lad pathai khubor ha dien ka jingiakynduh ia u myntri rangbah ka jylla, ha ka jingiadon lang u myntri kam pynroi sor, u Bah Hamletson Dohling, u Bah Lambor Malangniang Chairman jong ka State Planning Board, u Bah Wandonbok Jyrwa General secretary jong ka seng u la iathuh ba ha kane ka jingiakren u myntri rangbah ka jylla u la kular ia ki ba un sa shim khia ha kaba ia dei bad ka jingeh kaba ia kynduh.

La iathuh ba ha kane ka jingiakren na ka liang jong ka seng ka dawa ba Regional Transport Authority (RTA) jong ka East Khasi Hills District ka dei ban buh beit tang kawei ka permit ia baroh ki Taxi, kumba ka long mynta ki don ki rong stem ki don ki rong tah blue bad kila buh ruh ia ki Region bapher bapher wat la dei ha ka juh ka District.

La ong ba naduh ba ki pulit kim shah shuh ia ki kali toh rong blue ban kiew sha Shillong kala buh ia ki jingeh ia ki trai kali kiba ia leh ban ieng ha la ki jong ki kjat da kaba shim ram ban thied kalai kamai. Lada ka long kumne hato ki kali rong stem kin kamai tang hapoh ki jaka jong ka municipal, namar ka ia ki jaka ba hap hapoh jong ki Block la niew ba ki dei ki nongkyndong.

U Bah Marbastar Kharbangar sordar jong ka Smit pynllun u la ong ba kane ka jingleh jong ki pulit kala buh ia ki paidbah nongleit nongwan ha ka jingeh kaba khraw namar na iewduh tang ar baje nohphai sngi ki kali rong stem kim treh leit shuh bad ki shu kwah tang ban shim wai.

Ha kane ka jingiakynduh mynta ka sngi ia u myntri rangbah bad ia ki myntri kane ka sorkar kala don ka jingiakren ha kaba ki la ud la nam ia ki jingeh baroh bad na ka liang jong ka sorkar kala shah skhor bad u myntri rangbah u la kular ba un sa shim khia ia kane ka jingeh bad ki kymren ba ka sorkar kan sa leh kloi. Ha ka juh ka por ki la dawa na u myntri rangbah ba katba ym pat lah ban pynbeit ai kin iaid kum ba juh long.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet