Shillong, Lber 28: Ka seng “Khasi Disabilities Association” mynta ka sngi kala ia kynduh ia u myntri rangbah ka jylla u Conrad K Sangma ha ophs trei kam jong u bad ai ia ka dorkhas ba un peit lem ia ka jingeh ka jong ki.
Ha kane ka jingiakynduh na ka liang jong u myntri rangbah ka jylla u la ai ka jingkular ba un sa shim khia ban peit ia ka jingeh kaba ki ia kynduh. La ong ba yn sa khot ia ka jingiakynduh bad ki dkhot jong ka seng ki ophisar jong ka tnad Social Welfare ha dien ka dorbar mang tyngka.
Na ka liang jong ka KDA kala kyrpad ia u myntri rangbah ka jylla ba pyntrei kam noh ia ka 4% ka jingmang kam ia kiba don ka jingduna ha ki dkhot met kumba la pynbna da ka sorkar pdeng hapoh jong ka kyndon ain Rights of Persons with Disabilities Act, 2016.
Ha kane ka jingiakynduh na ka liang jong u myntri rangbah u la shah skhor ia kaei kaba ki dkhot jong ka seng kila pynsngew ha u ia ka jingeh kaba ki ia kynduh. Ha kane ka sngi na ka liang jong ki nongialam jong ka KDA kila pynpaw ba ki don bun ki skhim na ka bynta jong ki ia kiba la mang da ka sorkar pdeng.
