Kular u myntri rangbah ka jylla ia ka FASTOM ban leh ei ei halor ka tulop nonghikai adhoc

Shillong, Nailur 27: Mynta ka sngi ka seng ki nonghikai ha ka lama jong ka “Federation of Adhoc  School Teachers of Meghalaya” kala leit ban ia kynduh ia myntri rangbah ka jylla u Cornad K Sangma ban ia kren halor ka jingeh kaba ia ki iakynduh halor ka tulop jong ki.

U Bah Kenneth Shadap President ka seng haba kren ha ki lat pathai khubor u la ong ba ka jingdawa jong ki ka long ba ka sorkar kan siew ia ka tulop jong ki nonghikai Adhok naduh ki LP School, Up School bad ia ki Higher secondary School ha ka rukom jong ka “Deficit”.

Ha kane ka jingiakren ki la pynsngew ha u  myntri rangbah lada kim ioh ia ka deficit ruh lada ki ioh ia ka “deficit Pattern” ruh kan bha namar ki sngewthuh ia ka jingeh jong ka sorkar jylla ha ka liang ka pisa pilain. Haba ia dei bad kane u myntri rangbah u la buh ban ia kynduh biang ha u Naiwieng ban ia pyneit.

Ha kane ka jingiakynduh mynta ka sngi u myntri rangbah ka jylla u la ai ka jingkular ba un sa leh ei ei ha kaba ia dei bad kane ka kam jong ki nonghikai Adhoc, bad kum ka seng ka don ka jingkyrmen ba lada ym lah 100% ruh kane ka sorkar kan leh ia kaba don kam na ka bynta ki nonghikai.

U Bah Shadap u la ong ba ki nonghikai Adhoc ha ka jylla baroh kawei ki don 7072 ngut kine ki long ha baroh ki kyndon, kine ki nonghikai ki dei kiba la trei palat ia ka 25 snem ha ka kam hikai jong ki bad u myntri rangbah u la kular ban leh eiei na ka bynta jong ki nonghikai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet