Shillong, Iaiong 04: Ki nonghik
ai Sarva Shiksha Abhiyan hapoh jong ka lama Meghalaya Sarva Shiksha Abhiyan School Association (MSSASA) mynta ka sngi kila leit ban ia kynduh ia u myntri rangbah ka jylla u Conrad K Sangma ban ia kren ha kaba ia dei bad ka Tulop jong ki.
Ia kane ka kynhun ban leit ia kynduh ia u myntri rangbah ka jylla la ialam da u Bah Aristotle Rymbai president ka seng. Ha kane ka jingiakynduh na ka liang jong ki nonghikai SSA kila pynsngew ia ka jingeh ka jong ki ha u myntri rangbah ha kaba ia dei bad ka jingsah teng ka tulop ka jong ki labun bnai.
Ha kane ka jingiakynduh na ka liang jong u myntri rangbah u la ai ka jingkular ia ki nonghikai SSA ba kin ioh ia ka tulop ka jong ki kaba dei ka bhah ka jong ki. Na ka liang jong ki nonghikai kila pynpaw ia ka sngewnguh ia u myntri rangbah ia ka jinglong kaba la kloi ka jong u ban ia kynduh ia ki nonghikai kiba dei na ka SSA.
