Kular u mytnri ka sorkar pdeng u Dharmendra ia ka KSU ban rah sha Delhi ia ka jingdawa ILP

Shillong, Jymmang 21: Mynta ka sngi ki dkhot jong ka seng KSU kila rah ia ki plakat ha khmat jong ka khyrdop jong ka NEHU ha kaba kila thoh da ki dawa ia ka Inner Line Permit ha kane ka jylla Meghalaya, ia kaba ka sorkar jylla kala dep ban pdiang hapoh ka iing dorbar thawain ka jylla ha u snem 2019.

Haba u myntri ka sorkar pdeng u Dharmendra Pradhan haba u la poi khmat khyrdop jong ka NEHU ki dkhot jong ka KSU kiba la ia ap ha katei ka jaka kila rah ia ki plakat kiba la thoh ba ki dawa na ka sorkar pdeng ban pyntrei kam ia ka ILP ha kane ka jylla Meghalaya.

Haba ki dkhot jong ka KSU kila tawiar sawdong ka kali kaba u shong u myntri ka sorkar pdeng u la hiar na ka kali bad u la ia kren bad ki nongialam ka KSU ha katei ka jaka bad u la pynpaw u sngewthuh ia ka jingdawa ki paidbah kane ka jylla bad ia kane ka kam un sa rah sha Delhi ia ka jingdawa ILP.

Kane ka jingrah ia ki plakat na ka liang jong ki dkhot jong ka KSU kila khaweh ha ka por ba u myntri rangbah ka jylla u Conrad K Sangma u ba la wan poi sha NEHU shuwa ban wan u myntri ka sorkar pdeng, ki dkhot ka KSU kila dawa ka sorkar ka dei ban pyntreikam ia ka ILP.

U wei na ki nongialam jong ka KSU u la ong ba kum ka seng ka dawa ba ia ka ILP dei ban pyntreikam ha kane ka jylla kumba ka sorkar jylla kala dep ban pdiang ia ka rai ban pyntrei kam ia ka ILP, ha kane ka jingiakren u mytnri ka sorkar pdeng u la ai ka jingkular ba un sa rah ia kane sha Delhi bad kum ka seng ka ngiet ba kane kan nym dei ka jingkular kai.

U Myntri ka sorkar pdeng u Dharmendra Pradhan u la wan sha kane ka jylla Meghalaya ban wan ia shimbynta kum u kongsan ha ka jingpynkupburom kaba XXVII  ka skul bah NEHU ia ki samla pule mynta u snem 2022.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet