Shillong, Naiwieng 23: Mynta ka sngi ki longialam jong ka North East Student Organisation (NESO) kila leit biang sha ka nongbah Delhi ban ia kynduh ia ki nongialam seng sain pyrthei ban pan ka jingkyrshan jong ki ban pyrshah ia ka Citizenship Amendment Bill lada ka sorkar BJP ka wan biang hapoh parliament ha kane ka sien shong dorbar kaba mynta.
Ki nongialam jong ka NESO hapoh ka jingialam jong u Bah Samuel B Jyrwa kum u Chairman kila ia kynduh ia u K C Tyagi general secretary jong ka Janata Dal United ha ophis jong u ha Nongbah Delhi, ha kane ka jingiakynduh u tei u nongialam ka JD(U) u la kular ba ka party ka pyrshah ia ka CAB bad u ai ka jingkyrshan ia ka jingpyrshah jong ka NESO na North East.
Na ka liang jong ki nongialam jong ka NESO kaba don mynta hapoh jong ka nongbah Delhi, kin ia kynduh ruh ia kiwei ki nongialam seng sain pyrthei ban pan ia ka jingkyrshan jong ki na ki National Party bad kum juh na ki regional party, kum ka Samajwadi Party, Trinamool Congress.
Ki regional party kum ka Shiromani Akali Dal, Shiv Sena, Biju Janata Dal, Bahujan samaj Party, Indian National Congress, Dravida Munetra Kazhagham bad kiwei kwei de bad dei ban weng syndon ia kane ka CAB, la ong u samla Donal V Thabah genral secretary jong ka seng KSU.
