Kular u Rijiju ia u Conrad, ka sorkar pdeng kan iarap ia ka National Games 2022

Shillong, Nailar 21: U  myntri rangbah ka jylla u Conrad K Sangma mynta ka sngi ryngkat u bah AL Hek myntri ka koit ka khiah kila ia kynduh ia u myntri khynnah ka sorkar pdeng ba dei peit ia ka tnad ia lehkai u Kiren Rijiju ha nongbah Delhi.

Ka jingia kynduh hapdeng u myntri rangbah ka jylla bad u myntri khynnah ka sorkar pdeng ba dei peit ia ka tnad ia lehkai kala long kumba shikynta ei ei bad ha kane ka jingiakynduh na ka liang jong u myntri rangbah ka jylla u la batai shai ia ki jingpynkhreh ba baroh ba ka sorkar kala pynkhreh na ka bynta ka National Games 2022.

Ha kane ka jingiakynduh na ka liang jong u myntri rangbah ka jylla u la pan ia ka jingiarap pisa kaba kyrpang na ka sorkar pdeng na ka bynta ban pynlong ia kane ka National Games ha ka jylla bad ban shna ia ki jaka ielhkai kiba bun rukom na ka bynta ka National Games. Ia ki plan baroh ka pyni ha u myntri khynnah ka sorkar pdeng ha kane ka jingiakynduh.

Na ka liang jong u myntri khynnah ka sorkar pdeng ba dei peit ia ki kam ia lehkai hapoh ka Ri India u la ai ka jingkular ba ka sorkar pdeng kan ai ka jingkyrshah ia ka sorkar jylla na ka bynta kane ka jingpynlong ia ka National Games. Ha dien ka jingiakynduh ia u myntri na ka liang jong u myntri rangbah u la leit ban ia kynduh ruh ia u Secretary ka tnad ia lehkai ka sorkar pdeng bad kum juh bad u Director General Sports Authority of India.

Na ka liang jong u myntri rangbah ka jylla u la ong ba kane ka jingiakynduh bad u myntri ka tnad ia lehkai jong ka sorkar pdeng ka long kaba sei soh ha kaba ka ministry sport jong ka sorkar pdeng kala ai ka jingkular ban ai ka jingkyrshan ia ka sorkar jylla na ka bynta ban pynlong ia ka National Games.

Ha kane ka sngi na ka liang jong u Bah AL Hek ruh u la ai ka dorkhas sha u Kiren Rijiju ban pan jingiarap kyrpang na ka bynta ka Shillong Golf Course namar ha u snem 2024  kane ka jaka ialehkai Golf kan sa dap 100 snem.

 

 

 

 

 

What Next?

Recent Articles

Leave a Reply

Submit Comment

*