Kum ka dak jingsngewsih ia ka jingkhlad u Atal Bihari Vajpayee Pynbna shuti ka sorkar

Shillong, Nailar 16: Kum ka dak jong ka jingsngewsih ia ka jingkhlad noh jong u myntri rangbah duh barim jong ka Ri India u Atal Bihari Vajpayee ka sorkar kala pynbna shuti la shai ka sngi. Baroh ki ophis sorkar, ki jaka trei kam bad ki skul kin khang la shai ka sngi ka 17th Nailar 2018 ha baroh kawei ka jylla Meghalaya, kane ka long katkum ka khubor sorkar kaba la phah mynta ka sngi.

U Chief Secretary jong ka jylla Meghalaya ha ka jingphah khubor ka jong u sha baroh ki Deputy Commissioners ha ka jylla u la ong ba ka sorkar pdeng da ka jingsngewsih kaba khraw ka pyntip ia ka jingkhlad noh jong u myntri rangbah duh ba rim jong ka Ri India u i Atal Bihari Vajpayee mynta ka sngi hapoh  AIIMS Hospital ha New Delhi.

Kum ka dak jong ka jingburom ia une u riew khraw jong ka Ri la shim ia ka rai ba kan don ka jingiam briew kaba hynniew sngi lynter ha baroh kawei ka Ri India, ha kane ka por ia ka Lama jong ka Ri India yn pynher tang mar shiteng ha baroh ki jaka ha baroh kawei ka Ri. Ha kane ka pork an nym don kano kano ka tamasa kaba ynpynbeit da ka sorkar.

Kum ka jingburom ia une u myntri rangbah duh ba rim jong ka Ri India baroh ki ophis sorkar, ki jaka trei kam bad ki jaka pule kin khang la shai ka sngi ka 17th Nailar 2018.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet