Shillong, Jymmang 29: U bah K.P Pangniang President ka party HSPDP, la ong ba kum ka party kan nym khot hajir iano iano ruh ha kaba ia dei bad ka shithi kaba la phah da kita kiba kam ba ki dei ki nongialam ka party hapoh Mawkyrwat konstitwensi ba kin ia treilang bad ka UDP.
“Kum ka party kin nym khot hajir iano iano ruh hynrei ai ki paidbah ka Mawkyrwat Konstitwensi kin sa ai ia ka jubab ha ka por ka biang, kam myntoi ban khot hajir iano iano kiba kwah mih ai kin nym lah ban bat iano iano lade dei u MLA ruh” la ong u bah Pangniang.
Kum ka party kam shym leh kano kano kaba pyrshah, hynrei kala ai ka lat ba lyngba jong ka party HSPDP ba kin shakri ia ki paidbah, lada ki mih noh kata ka shong ki, lada mih ai ki paidbah kin sa jubab ia ki ha ka por ba biang la da dei iano iano ruh hynrei ka party kan ieng beit hala ka jong ka nongrim kum ba la suit lashor ia ka.
Ha kine ki khyndiat sngi ki nongialam jong ka party HSPDP na Mawkyrwat kila phah ia ka shithi sha ba kin leit ban pyniasoh noh bad ka party UDP bad kane kala dei ka dak ba u MLA na ka party HSPDP ruh u lah ban leit noh sha ka UDP kan shu long tang ka por ban pyniasoh sha UDP.
