Kum u Lat jong ka jylla u dei ban long pdeng, um dei ban leh khun khatduh ka BJP

Shillong, Nohprah 09: U President jong ka KSU u bah Lambokstatwell Marngar u la ong ba u Lat jong ka jylla ha ka jingshisha u dei ban long pdeng, ym ban leh khun khatduh ka BJP.

Haba kren ha ki lad pathai khubor mynta ka sngi u President jong ka KSU u la ong ba ka long kaei kaei kaba sngewsih ban iohi ha kaba ka jylla ka dang pyrshah ia ka Citizenship Amendment Bill 2019, u Lat pat u dang kyrshan, kane ka long mar khongpong bad kaei kaba ka sorkar ka kren. Ki dang shim ba u Lat jong ka jylla u dei ban long pdeng.

Haba kren halor ka jingbym soi jong u Lat ka jylla ia ka MRSS Ordinance na ka liang jong u president ka KSU u la ong ba bit ban shah ha kane ka jylla, ka jingleh jong u Lat ka long ym tang ba um salia ia ka sorkar hynrei u khlem khien briew ia ka jaidbynriew.

La ong ba lada ka sorkar ka pyrshah shisha ia ka CAB, ka dei ban pyntrei kam noh ia ki jaka rung jaka mih bad kam dei ban long niangkohnguh, ka dei ban pyni ia ki kam da kaba wan rah ia ki ain ban iada ia ka jylla.

Na ka liang jong u president ka KSU u la pynbna ruh ba ka jingialang jong ka Central Executive Committee jong ka seng kaba la long mynta ka sngi kala shim ia ka rai ba kin pyntrei kam noh ia ka ain ban iada ia ka jaidbynriew na ka jingwan jong ki briew kiba na shabor.

Haba ia dei bad ka CAB ka seng ka iengskhem ban pyrshah bad na ka bynta la shai ka sngi ka KSU kan pyntrei kam ia ka rai jong ka NESO. Ban ia kren kham bniah ka seng kala rai ban khot ia ka jingialang paidbah ha ka 11.01.2020. la ong ruh ba ia u maw mot jong u Kiangnangbah ba la shna thymmai yn plie ha ka 30 tarik mynta u bnai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet