Kum u MDC ka thain nga la pynioh shibun ki iing dorbar ha ki shnong ki thaw:PN Syiem

Shillong, Naiwieng 12: Ka shnong Nongthymmai kaba don hapoh jong ka South West Khasi Hills District kan sa dap 64 snem naduh ba la seng ia ka ha u kyllalyngkot 2020 bad ka long ka burom ba kane ka shnong kala ioh ia ka iing dorbar ha kaba la plie da u Chairman jong ka KHADC u bah PN Syiem MDC jong ka Mawkhar Konstitwensi.

Haba kren kum u kongsan ha kaba plie ia ka iing dorbar jong ka shnong Nongthymmai kaba u la pynioh na ka skhim SCA jong u snem 2015-2016 ha kaba por u dang long MDC jong ka Mawsynram Konstitwensi, u la ong ba kum u MDC ha katei ka por u la pynioh shibun ki iing dorbar ha ki shnong bapher bapher jong ka Konstitwensi.

Ha ka jingkren jong u la ong ba balei ki MDC ba mynshuwa kiba la long bun bun snem kim shym la lah ban pynioh ia ka iing dorbar. Ban shukdew ba kane ka shnong ka hap hapoh jong ka Langrin MDC Konstitwensi, dei tang ha u snem 2014 ba kane ka shnong kala hap hapoh jong ka Mawsynram MDC Konstitwensi.

Ha kane ka sngi u Bah Alvin K Sawkmie MDC jong kane ka thain ha ka jingkren ka jong u la kyntu ia ki nongshong shnong ba kin ri sumar ia kane ka iing dorbar ban pyndonkam  na ka bynta ka jingdon kam ka shnong ka thaw ha kaba pynlogn ia ki dorbar jong ka shnong.

Ha ka jingkren jong u Bah R L Kharpran kum u myntri ba rim jong ka shnong u la pynpaw ia ka jingsngewnguh ia u MDC barim u Bah PN Syiem u ba la lah ban pynioh ia ka iing dorbar hapoh jong ka shnong Nongthymmai bad u ai ka jingkyrkhu kyrdoh ba un dang lah ban trei kham bha ha konstitwensi kaba u la jop thymmai namar kum ka jaidbynriew ka don kam ia u.

Ha kane ka sngi la don lang ki paidbah nongshong shnong ban sakhi lang ia kane ka jingplieia ka iing dorbar, ia ka jingialang la pyniaid da u bah F Nongsiej myntri shong, ia ka jingkren pdiang burom la aid a u bah Phindar Wanniang bad ia ka jingkren ai khublei la ai da u Bah WN Lartang. Kane ka long ka sien kaba nyngkong ba kan don kum kane ka jingialang hapoh ka shnong Nongthymmai.

What Next?

Recent Articles

Leave a Reply

Submit Comment

*