Shilong, Jylliew 08: Ka KSU Khliehriat Town Unit ha ka janmiet jong ka 7 tarik Jylliew 2022 ka la ioh bat ia kawei ka kali Alto 800 ba don ia u number AS 11 5670 ia kaba la suba ba ki dei ki Khar Bangladesh kiba wan poi lyngba ka shnong Kuliang.
Kine ki Khar Bangladesh ki don kumba 10 ngut eiei. Haba kylli tohkit ia ki kim shym la lah ban jubab wat tang shikyntien bad kim lah satia ban pyni ki kot ki sla kiba tikna ban pynshisha ba ki dei nong India.
Kaba la pyn bitar ia ka seng ka long ba kine ki Khar Bangladesh ki la thmu ban pynbam pisa iaki dkhot ka seng khnang ba kin lait hynrei kane ka jingleh jong ki ka dang pynkhluid pynban ia ki dkhot .
Ia kane ka Kali la niah da u wei u khasi ha kaba katkum ka jingtip u dei uba ju leh kine ki kam ban leitbuh iaki bar jylla da kaba kular ba kin lait beit bad ruh uba long kum u dalal. Hadien kane la pyntip noh sha ka Khliehriat Police Station bad la rah iaki shapoh Police Station ban leh ia kaba donkam.
Ka KSU kan iai phira bad ap sharai ia ki Mynder kiba thmu rung tuh sha ka Bri Hynniewtrep bad ka la maham ban khyrwit beit ia ki Briew kiba ju mlien ban long Dalal ia ki Mynder khlem jingmap.
