Shillong, Naiwieng 26: Mynta ka sngi ka kynhun National Cadets Corps(NCC) kala pynlong ia ka jingai snam ei hapoh jong ka Military Hospital Shillong bad kumba 100 ngut ki dkhot jong ka NCC kila wan ban ia shim bynta ha ka jingai snam ei.
Ia kane ka jingpynlong ia ka jingai snam ei la plie da u ADG, NER Major General Raju Chauhan. Ha ka jingkren jong une u heh shipai u la ai khublei ia kine ki dkhot jong ka NCC kiba la wan sha khmat ban ai ia la ka jong snam bad kane ka long ka kam kaba don burom.
Kum ki samla kiba don ha ka Uniphom, ki dkhot jong ka NCC ki long kiba ha khmat eh ba ai ka jingshakri ia ka Ri ha kano kano ka por ba don kam. Ia kane ka jingai snam ei la pynkut da kaba ong ba kane ka jingleh ka dei sa u wei pat u maw jam ba ka NCC kala ai ka jingshakri ia ki para briew.
