Shillong, Risaw 01: Ka jinglong jingman jong ka sain hima ha India ka lah nang sniewdur sniewdur khamtam haba iaka jingiadei parabriew ym shym lah burom bad kheinbriew shuh. Dang shen ngi iohi ba ka Sorkar BJP dalade ka lah leit haduh Myanmar tang na bynta ka jingmyntoi jong ka sain hima da kaba ka buh shadien pat iaka hok longbriew manbriew.
Kumba 40 hajar tam ki Rohingya refugees ki don ha india, katta napdeng kine ym shym la don tang kawei ka FIR ban mudui ha kano kano ka Police station ba kine ki refugees ki don daksaw, hynrei kaba isaitmet ka long ba ka Sorkar ka kwah ban pynphai noh ia kine wat hapdeng ba ka ri Myanmar ka dang don hapdeng ka jingiaumsnam mynta, kane ka jingleh ka BJP ym tang ba ka ibein iaki Muslim hynrei ka ibein khamtam iaka jingiadei parabriew.
Ka Dong shatei lamihngi ka lah mad teng iaka jingwan phetrieh ki phetwir kaba da ki lakh bad kot daki million haki jylla jong ka thain mynba ka East Pakistan ka dang don hapdeng ka thma bad ka Pakistan, Naduh u Snem 1971 shaneng ki don kumba 8,54,038 ki Bengali Hindu kiba lah wanphet sha Meghalaya kata tang kiba la pynrung kyrteng,hynrei sa kito kiba khlem leit pynrung kyrteng khie ia khein kein.
Kine kiei kiei ki jia dei namar ba ka Sorkar Congress ha kato ka por ka shim iaka jingkitkhlieh, wat haba ka thma ka lah kut mynta la kumba 46 snem ha kathie ka ri pynban ngim shym iohi ba ka sorkar kan pynphai ia kine ki Hindu refugees, Kane ka kdew shai ba ka sorkar india ka iarap iaka Bangladesh ha kato ka por dei tang namar ba ki Hindu ha Bangladesh ki long ki sohpdung haki shipai Pakistan.
Lada Ka Sorkar Congress ha Meghalaya ka sngewkhia iaka jingrung kyrthep ki Mynder , lada ka sorkar BJP ka mut ban pynphai noh iaki Rohingya Refugees ki dei ruh ban pynphai mardor shuwa iakine ki phetwir Hindu na Meghalaya bad na kiwei ki Jylla ka dong shatei la mihngi.
Kat ka Mizoram kaba la ioh iaka jingiada ba kyrpang,wat hapdeng ka jinglehniam Puja ki Mizo ki dang ia mih sha surok ban dawa naka Sorkar ba dei ban pynphai iaki mynder ri kiba wan kiew na Bangladesh. Lada Ka Sorkar India kam lah ban weng ia ka jingeh naka jingbuhai shnong ki mynder ne ki bar jylla khlem artatien ka Northeast khamtam ha Meghalaya kan sa mad iaka jingeh.
Katkum ba ka mih haki lad pathai khubor haka 6 tarik,Nailur 2017 U Brigadier u heh ki shipai u kam ba ki len shipai ki don ka jingma naka HNLC kumta hap ban pyrkhing ia ki paidbah. Kane ka jingkam jong u ka long tang ban tap eitmiaw khnang ba ka tnad shipai kan nang ioh shuh shuh ban skud jubor iaki jaka paidbah, katkum ka ain ki ri ka pyrthei wat ha india kumjuh ,ka jingbuh iaki len shipai la kumno kumno ki hap ban jngai daki Kilometer naki jaka paidbah ,hynrei sngewthamula ba ki jaka sah ki shipai ha Meghalaya lei tang daki phut ki jngai naki jaka paidbah.
Katkum Ka Article 11 Jong ka New Delhi Draft Rules States Jong u snem 1956 ka thoh kumne : “Kino kino ki kynhun kiba don hapdeng ka jingiakynad, katba dang lah, kin kiar na ka jingbuh ia kino kino ki bor shipai ba kin shongduh lane thaw jaka shong jaka sah, lane ban buh ia kino kino ki tiar ialeh, ban don kino kino ki ktem shipai kiba shipor, ha ki shnongrit lane ki shnong ha kaba ka jingbun briew ka lah bun”.
Kumba la sakhi ha kine ki 70snem naduh ba ka India ka pynbna ia kata ka jinglaitluid, ka tnad shipai ka shah pyndonkam bakla haki politician kumba ka jia ha ka State Of Emergency 1975,haba buddien ia ki jingjia dei ka Sorkar hi Kaba hap shim iaka jingkitkhlieh iaka jinglong “Anti- Constitution bad Anti- democracy”, ka jingsynshar paidbah ha India ka lah kylla long ka jingsynshar ki paidbhur,bad ka jingai laitluid ia baroh ki jaitniam ka lah kylla pynban sha ka jingsynshar tang da kawei ka niam.Ki Shipai kiba long ki nongiada iaka ri bad ki paidbah, pynban ki la kylla long tang ki nongiada iaka shuki bad ki politician. Ong u Bah Saińkupar Nongtraw Publicity Secretary ka seng HNLC bala niew beain da ka sorkar.
