Shillong, Lber 12: U Deputy Commissioner jong ka West Garo Hills District, u Pravin Bakshi, u la ong ba ha dien ba la jurip ia ka jingshah lynshop jong ki iing ki sem ha ki thian Dalu ha ka jingkhih ka ‘Erlangthari ha ka step sngi saitjain ki iing kiba la shah ktah ki long hadpeng 30 bad 40 tylli ei ei.
Na ki iing kiba shah ktah eh ha kane ka jingbeh kane ka ‘Erlanthari ka dei ka iing Agnanwadi, hynrei kiba bun na kiwei pat ki iing ki sem ka long ba kila shah lit ki tin sop iing na kit nu iing, na ka liang jong ka ophs mynta ka dang pynkhreh ban phah ia ki lat jingiap sha kine ki long iing kiba la shah ktah ha kane ka jingpynjot jong ka mariang.
Ha kane ka jinglynshop jong ka mariang kam shym don kano ka no ka jingjia kaba sngewsih kaban ktah ia ka jingim briew lait noh kiba shuh mynsaw malumala ki bym don jur eh. Na ka liang jong ka ophis ka long kaba la pynkhreh namar kum kine ki jingjia ki juh jia man u snem ha u Bnai Lber bad u bnai Iaiong, la ong u DC.
