Shillong, Rymphang 8: Ka kong BT Jyrwa President ka seng HNYF jong ka shnat ki kynthei kala ong ba ka jingwan jong ki sha kane ka jingialang ka dei ban ia sngewlem kam dei tang ia ki para seng, hynrei ka jingsngew na ka bynta u paidbah ba bun balang.
Na duh ba la sdang ia kane ka jingsangeh kamai naduh ka lai tarik mynta u bnai la sngewthuh ba kane kan ktah ia baroh, ym tang ia ki nongniah kali hynrei ia baroh ki riew paidbah wat haduh ki nontrei sorkar ruh kum juh kane kala ktah, wat ia kiba don kali la jong ruh.
Kane ka jingkyrshan jong ka HNYF ka long ban kyrshan ia ki paidbah kiba la mat ia ka jingeh, ka jingkren jong u bah Prestone ba ong ba la pynhiar ia ka khajna T. 2/- Tyngka bad T.50/- ia ka khajna, lada khein kane kala ktah lut naduh u nongbylla haduh ki nongtrei sorkar.
Ka Kong Jyrwa kala dawa na ka sorkar ba kan sngap kan sngewlem ia ki paidbah, la kynnoh ba balei kan lute haduh katne katne na u paidbah haduh katne, ki nongtrei sorkar kila im lypa, hynrei ki paidbah kein mynta sha ei kin leit, lada kiew ka umphniang ka ktah ia ki paidbah.
Ka seng HNYF ka pynsngew sha ki bor sorkar ba kumba ki kyrpad ia u paidbah ha ka por elelcion mynta ruh ki dei ban sngew ia ki paidbah namar kane mynta ka ktah beit ia ki paidbah, kane ka jingiamih paidbah ka dei namar kala ktah lada ka sorkar kam don jingsngew ka seng ruh kan sa pyrkhat da kumwei pat.
