Shillong, Lber 23: U bah Daskhiatbha Lamare mytri ba dei peit ia ka tnad shna iing jong ka tnad PWD ka sorkar Meghalaya u la ong ba kaei kaba u long kumba u long mynta dei na ki jinghikai na ka skul kaba u leit pule ka “Pestle Weed School” kaba don ha Dheradun.
U bah Dasakhiatbha Lamare haba kren ha ki lat pathai khubor ha ka jingiadon lang u principal kane ka skul u Dr Prem Kashyap, u la ong ba ki jaka pule kiba biang ki don ha Dehradun, u kyntu ia kiba ioh lat lada don kiba thmu ban phah skul ki lah ban phone sha u.
U Dr prem haba kren ha ki lat pathai khubor u la ong ba kumba ka long mynta baroh ki samla pule kiba don ha kane ka skul na North East ki don 140 ngut bad na kane ka jylla Meghalaya ki don kumba 7 ngut ei ei, na ka bynta ka jingbit jingbiang jong ki khynnah ki shim tang 20 ngut ha ka shiklas.
La ong ba ka long ka burom ia ka skul namar ha kane ka sorkar Meghalaya u don u wei u myntri ba dei khynnah skul jong katei ka skul, u bah Dasakhiatbha Lamare bad na ka liang jong u ym da don kam ban kren namar kila don ki briew na kane ka jylla kiba la pyndep ia ka jingpule na kane ka skul.
