Shillong, Risaw 31: Ki pulit ANTF jong ka East Khai Hills District mynta ka sngi kila ioh ban kem ia u wei u briew na jingkieng Nongthymmai bad kila ioh ban kurup 217.19 gram u drok Heroin na u tei u briew.
Ki pulit ha dien ba kila ioh ia ka jingtip kaba bniah kila bud dien bad kila ioh ban bat ia u tei u briew ha jingkieng Nongthymai bad haba kila talasi ka Scotty kaba u niah la ioh ban kurup 16 tylli ki synduk sabon bad la ioh 217.19 gram u drok heroin.
Nalor ka Scotty kaba kila ioh ban kurup kaba don ia u number ML05Q 8300, laioh ban kurup kawei ka mobile, kawei ka pla rong jyrngam bad rong saw ha kaba kila ioh ia u drok na kine kip la, la ioh ruh ban kurup ka pisa T.3,31,590 tyngka.
Haba ia dei bad kane ki pulit kila register ia kane ka ejahar hapoh jong ka Laitumkhrah Police Station, na ka liang jong ki pult kila dang bteng shuh shuh ban tohkit ia kito kiba dang ia don kti ha kane kam khaii drok.
