Shillong, nailar 11: Ka tnad pulit ba kyrpang jong ka nongbah Shillong kiba dei na ka kynhun ANFT hapoh ka jingialam jongh u DSP City bah B Jyrwa ha dien ba kila ioh ia ka jingtip ba ka don kawei ka kali kaba don ia u number ML 05 N- 8934 ka kit drok na ka liang jong ki pulit kila ioh ba bat ia kane ka kali ha Mawiong Ri View point.
Katkum ka jingiathuh jong ki pulit la ong ba kane ka kali ka dei kaba wan na Guwahati sha Shillong, u nongniah ia kane ka kali u Jayantai Deb haba la ioh bat da ki pulit u la iathuh ba ia kane ka song u la buh rieh hapoh khrum seat kali ia kaba la ai ha u da u wei u briew ba la tip kyrteng kum u Arneston Dkhar ban ai ia kane ka pla sha ka kong Haldora Marngar ha HP Petrol Pump Mawlai.
Na kane ka pla ki pulit kila ioh ban kurup 25.23 gram bala suba dei u herion na ka liang jong ki pulit kila kem ia kine ki ar ngut, na ka liang jong ki pulit kila bteng ia ka jingthwet ia kiba don bynta ha kane ka kam khaii drok bad mynta ka sngi kila ioh ban bat ia kawei ka Local Taxi ha Mawkynroh ha kaba u Arneston Dkhar 35 snem bad ia u Rami Juddin 30 snem la ioh ban kem bad na kine ioh ioh ban kurup 18 gram ba la suba ba dei u herion.
Na ka liang jong ki pulit kila kem ia kine baroh saw ngut bad ka register ia ka ejahar hapoh jong ka Mawlai Police Station bad la pynngat ia ki hapoh jong ka ain NDPS Case No. 68(8)20 u/s 21(b)/29 NDPS Act.
