Shillong, Kyllalyngkot 21: Ki shipai BSF kila ioh ban bat ia ki ar tylli ki kali Maruti Van katba ki dang iaid ha shnong Pyrdiwah da ka jingthmu ban rung sha Bangladesh, na kine ar tylli ki kali la ioh ban kurup bun song ki jain Saree.
Ki Shipai BSF kila ioh ban kurup haduh san song bah ki song na kawei ar tylli ki song bad na kawei pat lai tylli ki song, haba khein ia ka dor jong kine ki saree kala kot sha ka 24 lak tyngka, ki BSF kila khang kdong ia kine ki ar tylli ki kali Maruti Van.
Kine nongniah jong kitei ki ar tylli ki kali ynda ki poi ha shnong Pyrdiwah haba kila iohi ba ki shipai BSF kila jan poi sha kila ieh iaki kali bad phet krad ban lait na ka kti jong ki shipai BSF ka jaka ba la ieh iaki kali ka long ha jan khappud bad ka Bangladesh.
Ki BSF kila ujor da ka ejahar hapoh pynursla police station bad ia ki saree la aiti sha ki Customs kiba don ha Pynursla ba tohkit bad leh ia kaba don kam katkum ka ain, ka jingdawa ia ki jain Saree na India bad ia ki jingeh pynbha briew ki kynthei ha Bangladesh ka jut bha.
