Shillong, Jymmang 15: ka kynhun shipai BSF kiba dei na ka 193 battalion ha dien ba kila ioh ia ka jingtip kila khang kdong ia kawei ka jaka kaba la tip kum ka Barmanbari ha East Khasi Hills District bad kila ioh ban kurup ki jain saree kaba la shongdor T.20 lak tyngka.
Ki briew kiba la kit ia kine ki jaid kila thmu ban pynrung ia ki sha Bangladesh na katei ka jaka, hynrei haba iohi ia ki shipai BSF kila phet noh na katei ka jaka bad kila bret ia ki jain hapoh khlaw bad ha ka jingdum kila ioh phet na katei ka jaka kaba hap hapoh jong ka Dangngar Police station.
Na katei ka jaka ki shipai BSF kila ioh ban kurup haduh 15 song ki jain saree kiba la thmu ban pynrung sha Bangladesh, na ka liang jong ki BSF kiba don ha katei ka jaka ki long kiba peitngor bha ban peit ba kan nym don kano kano ka jingiakhaii beain sha Bangladesh.
