Kurup ki BSF hynriew lak tyngka na ki nongkhaii masi ha Gumaghat ha SWKH District

Jingker ksiarnarShillong, Nailur 12: Ki shipai Border Security Force (BSF) kila ioh ban kurup ka pisa hynriew lak tyngka na u Sumiron Sangma na Gumaghat ha South West Khasi Hills District bad la suba ba ki dei ki nongkhaii masi beains ha Bangladesh.

Ki BSF kila kem ia u Sumiron katba u dang niah ia ka Bike kaba don ia u number  ML-12-0529 katba u dang mih na Iew  Patkura ban leit sha  Gumaghat. Ka jingkem jong ki BSF ia u ka long ha dien ba kila ioh ia ka jingtip kaba bniah ia ka jingrah pisa jong une u briew.

Ha dien bala shah kem ha ki BSF, na ka liang jong u Sumiron u la iathuh ba ia kane ka pisa la ai da ka Khubi kaba na palat ban leit ai sha ki briew kiba um lah ban tip namar ba la bethah ia u ba yn da poi ha Gumaghat kan sa phone hano ban ai ia kane ka pisa bad kaei kaba u ioh ka long ynda la dep ban ai ia ka pisa ka bainong jong kan long T.1000

Ha kawei pat ka jingjia ki BSF kila ioh ban kem ia u Johan Marak katba u dang ot ia ki ksainar shiah bad kiwei pat kila ioh ban phet kane kala jia ha Chikenbari,jong ka South West Khasi Hills Meghalaya. Kane ka jingshah ot jong ka jingker ksainar shniah ka long man ka por ha kahppud.

Katba ha Iew Thymmai bad Tuka ki BSF kila kem haduh 36 tylli ki masi bad ka dor jong ki kala kot sha ka T.7 lak tyngka. Na ka liang jong u PRO jong ki BSF u U K Nayal u la ong ba kane ka jingkhaii masi tuh na ki thain Pynursla ka jyllei bha sha Bangladesh. Ym tang ki masi bad ka kyiad phareng na India sha Bangladesh ka jur bha.

 

What Next?

Recent Articles

Leave a Reply

Submit Comment
*