Shillong, Nohprah23: Ki shipai Border Security Force kala pyntip ba ka kynhun shibai na ka 04th Battalion kala ioh ban kurup ia ki jingtah pynbha briew kiba la mut ban phah sha Bangladesh kiba la shongdor haduh T.21 lak tyngka.
Nalor ki jingpein pynbha briew ki shipai BSF kila ioh ruhban kurup ia ki jain saree kiba la songbha ban phah sha Bangladesh hynrei kila ioh ban khang kdong ha kaba ki nongkhaii beain kila bret ia ki jain sha rud ha kaba ki BSF kila ioh ban kurup katba ki briew kila phet.
Ia kine ki jingpein pynbha briew bad ia ki jain la kit da ki briew da ka jingthmu ban leit sha Bangladesh haba la iohi ba ki shipai BSF kila wan beh ia ki na dien kila bret ia ki jingkit bad phet noh ia lade sha Bangladesh, ia kitiar bala ioh ban kurup la phah sha ki pulit ha Pynursla.
Na kane ka thain Pynursla ki shipai BSF mynta u snem 20222 kila ioh ban kurup ia ki jingpein pynbha briew bad ia ki jain saree kala kot sha ka T.3.30 klur tyngka, kane kala pynlong ia ki shipai ban long kiba peitngor ia kane ka thain.
