Shillong, Naitung 25: Ki pulit jong ka Tura mynta ka sngi kila ioh ia ka jingtip ba ki don ki riew sniew kiba la wan na Mankachar na Assam kiba wan kit ia ki kuli dih pynbuaid, halor kane ki pulit kila pynlong ia ka jingap ktem ban talasi ia ki kali ba wan na Assam.
Ha kane ka jignpynap ktem ha Ghoramara ki pulit kila bat ia kawei ka Bike Yamaha R15 kaba don ia u number ML-08-G-7323 bad na kane ka bike la ioh ban bat ia ki ar ngut ki briew, u Rex John K sangma na Tura bad ia u Bishal Ch Marak na Balsarang Tura.
Ia kane ka bike la ioh ban bat na Ghoramara jan Garobadha, haba la khyndang ia kane ka Bike la ioh ban kurup 2856 tylli ki kuli SP kiba 142.8gm tramadol Hydrochloride bad 18 tylli ki nitcor 10 tablets kiba 18 gm nitrazapem IP. Ia kitei ar ngut la kem bad la register ia ka ejahar hapoh jong ka NDPS Act ka jingtohkit ka dang iaid sha khmat.
