Shillong, Naiwieng 19: U heh pulit jong ka East Jiantia Hills District u la iathuh ba la pynlong ia ka jingkhyra ha kylleng ki bynta jong ka District. Ia kane ka jingkhynra la ia treilang hapdeng ki bor jong ka District Administration bad ki pulit ha kane ka taiew baroh shitaiew.
Ha kane ka jingkhynra na ka liang jong ki pulit kila ioh ban kurup haduh 95 tylli ki trok kit dewiong kiba la kit beain na ki jaka rieh kiba la shu pyniengkhlem don ba kam trai ia ki na ki bynta bapher bapher jong ka District. Ia kine ki trok baroh ka shimti da ki pulit.
Ha dien ba la kurup ia kine ki trok kit dewiong na ka liang jong ki pulit mynta ki dang wad ia ki nongniah, ki nongbut bad ia ki trai kali. Na ka liang jong ki pulit mynta ki register ejahar pyrshah ia ki katkum ki kyndon ain jong ka Indian Penal Code.
La ong ruh ba ia kine ki trok kiba kit dewiong kiba la ioh ban kurup ki pulit kin pyngat ruh iaki hapohki kyndon jong ka ain MMDR Act bad kiwei kiwei ki kyndon ain kiba ia dei bad kane ka kam kit dewiong beain.
