Shillong, Jymmang 12: Mynta ka sngi ki pulit jong ka East Jaintia Hills ba don ha Umkiang kila ioh ban kurup 111.18 kilo u kynja bala tylliat bad song bha ha ki plastik,kane ka trok kaba don ia u number AS-01-AY-6969 kala wan na Silchar ban leit sha Guwahati.
U nongniah jong katei ka trok da poi ha Umkiang jaka ba ap ki pulit, u nongniah la pynsangeh ia ka kali harud surok bad phet na katei ka jaka, haba iohi ia kane ka jingleh ki pulit kila leit ban peit sha katei ka trok bad haba la khynra la shem ia ki kynja bala dep tylliat bala song bha. Ia kane ki pulit kila register ia ka ejahar ha Lumshong Police Station.
Ha kane ka juh ka sngi ki pulit kila ioh ban kem ia u wei u nongkhaii drok u ba la tip kyrteng kum u bah Gabriel Elvin Thabah 33 snem na Mawprem, na ka met jong u la ioh ban kurup 67.37 gram u heroin bad kawei ka mobile.
Na ka liang jong ki pulit kila ioh ia ka jingtip ba u wei u briew ba la suba ba dei nongkhaii drok u la wan phai na Silchar da ka Sumo ban wan sha Shillong, haba la ioh ia kane ka jigntip ki pulit kila pynlong ia ka jingap ktem bad kila ioh ban kem ia u tei u briew, ia ka ejahar la register ha Lumshong Police Station.
