Shillong, Risaw 07: Ki pulit ka East Khasi Hills District kila ioh bat ia kawei ka kali kaba don ia u number ka kali Assam bad kane ka kali la ioh ban kurup 156.12 gram u drok heroin, ar tylli ki Smartphone, ka pisa T.1.28 lak tyngka.
U Myntri Rangbah ka jylla u Conrad K Sangma u ai khublei ia ki pulit ha ka jingtrei shitom jong kiban ia khun pyrshah ia kane ka kam khaii drok, kane ka jingioh ka dei ka jingtrei shitom jong ki pulit.
U Myntri Rangbah ka jylla u Conrad K Sangma la ong ba ka sorkar kala shim khia ban ia khun pyrshah ia kane ka jingiakhaii drok na kane ka jylla bad ban pynioh ia ka lawei kaba phyrnai ia ka pateng ban wan.
Na ka liang jong ki pulit kila pynhlain ia ka jingtrei kumno ban ia khun pyrshah ia kane ka kam khaii drok kaba sniew kaba ka sorkar kan nym ai lad ia kum kine ki kam sniew bad ka jingialeh ka long ban rat dynkhong ia kane ka jingsniew.