Shillong, Iaiong 04: Ha ka sngi u blei ki shipai BSF ha dien ba kila ioh ia ka jingtip kaba thikna kila pynlong ia ka jingap ktem ryngkat ki pulit jong ka jylla Meghalaya bad ha kane ka jingap ktem kila ioh ban kem ia ki ar ngut ki kynthei na khappud bad ka Bangladesh.
Ha kane ka jingioh kem ia kine ki kynthei ar ngut la ioh ban kurup 1790 tylli ki kuli dih pynbuaid kiba la tip kum ki Yaba tablets kaba hap hapoh jong ka South West Khasi Hills District ia kine la ioh ban kem na Karaigora da ki kynhun 193 Bn ki BSF.
Na ka liang jong ki BSF kila ong ba kine ki kynthei ar ngut la tip kyrteng kum ka Jasmine Sangma 45 snem bad ka Ritima Sangma 40 snem baroh ar ngut ki dei ki nongshong shnong jong ka shnong Bholabita na East Khasi Hills district. Ia kine kiba la ioh kem la aiti sha ki pulit ban leh ia kaba don kam katkum ka ain.
